روسیه: اوروپا گه هسته ای راکت جایلشتیریش گه مجبور بولیشی میز ممکن

روسیه, اوروپا گه اورته منزللی هسته ای راکت جایلشتیریش گه مجبور بولیشی نینگ ممکن ایکن لیگی نی معلوم قیلرایکن, ناتو نینگ هم خوددی شونده ی بیر پلان گه ایگه ایکن لیگی نی بیلدیردی. 

روسیه تشقی ایش لر وزیری نینگ اورینباسری سرگئی ریابکوف, روس ریا خبر آژانسی بیلن مصاحبه قیلدی. 

ریابکوف, ناتو دن کوتیاتگن خوفسیزلیک بوییچه گرنتی توغریسیده روسیه بیلن ارتباط قوریلمس لیگی تقدیرده, غرب بیلن بولگن بحران نینگ آشیب کیتیشی نینگ ممکن ایکن لیگی نی بیلدیردی. 

ریابکوف, "مسئله گه سیاسی و دیپلماتیک بیر ییچیم نینگ تاپیلمس لیگی جوابی میز نینگ حربی و تخنیک بولیشی گه سبب بوله دی" دییه قید ایتدی. 

اوروپا گه اورته منزللی هسته ای راکت جایلشتیریش گه مجبور بولیش لری نینگ ممکن ایکن لیگی نی بیلدیرگن ریابکوف, بو وضعیت نینگ ینگی اختلاف لر گه سبب بوله دیگن لیگی نی ایسله تیب اوتدی. 

اورته منزللی هسته ای کوچ لر معاهده سی میلادی 1987- ییلده امریکا قوشمه ایالتلری دولت رهبری رونالد ریگن بیلن سویت اتفاقی رهبری میخائیل گرباچف تامانیدن امضالنگن ایدی. 

اوشبو معاهده گه کوره اوروپاده مذکور راکت لردن فایده له نیش ممنوع.  بیراق امریکا قوشمه ایالت لری, روسیه نینگ اوشبو معاهده نی اخلال قیلگن لیگی نی بیلدیریب میلادی 2019 – ییلده مذکور معاهده نی قبول قیلمه یدیگن لیگی نی بیلدیرگن ایدی.