تورکیه امریکا قوشمه ایالتلریگه قیغوداشلیک بیلدیردی

تورکیه, امریکا قوشمه ایالتلریده طوفان و تورنادو عاقبتیده کوپلب کیشی نینگ حیاتی نی یوقاتگن لیگی سببلی قیغوداشلیک بیلدیردی. 

اوشبو توغریده تورکیه جمهوریتی تشقی ایش لر وزیرلیگی تامانیدن یازمه بیانات بیریلدی. 

بیاناتده, امریکا قوشمه ایالتلری نینگ کنتاکی و باشقه ایریم ایالتلریده طوفان و تورنادو سببلی کوپلب کیشی نینگ اولگن لیگی سببلی تورکیه نینگ خفه بولگن لیگی بیلدیریلدی.

عینی دمده بیاناتده, "امریکا قوشمه ایالتلری خلقی و حکومتی گه قیغوداشلیک بیلدیررایکن, یره لنگن کیشی لر گه ایسه عاجل شفا تیلب قاله میز" دییه قید ایتیلدی. 

کنتاکی ایالتی نینگ والیسی اندی بیشیر, جمعه کیچه باشله گن تورنادو سببلی خوددی شوو ایالتده کمیده 70 کیشی نینگ حیاتی نی یوقاتگن لیگی و اولگن کیشی لرنینگ سانی نینگ 100 دن هم آشیب کیتیشی نینگ ممکن ایکن لیگی نی بیلدیردی.