سوریه رژیمی: اسرائیل سوریه ده هوا هجومی اویوشتیردی

سوریه رژیمی, اسرائیل نینگ, سوریه نینگ اورته و ساحل بولیم لریده گی ایریم حربی مرکز لر گه قرشی هوا هجومی اویوشتیرگن لیگی نی ادعا ایتدی. 

سوریه خبر آژانسی  SANA, رژیم نینگ حربی منبع لری گه تینتیریب بیرگن خبریده, اسرائیل نینگ محلی وقت بیلن کیچقرون ساعت 7 دن 16 دقیقه اوتگنده سوریه نینگ اورته و ساحل بولیم لری ده گی بعضی حربی مرکز لر گه قره ته هوا هجومی اویوشتیرگن لیگی نی ادعا ایتدی. 

حمص و طرطوس ولایت لریده ققشتکیچ پارتلش سیس لری نینگ ایشیتیلگن لیگی بیلدیریلگن خبرده, 2 رژیم عنصری نینگ یره لنگن ادعا ایتیلدی. 

خبرده, "هوا مدافعه تیزیم لری میز, بیروت نینگ شمالیدن کیلگن دشمن راکت لری نینگ اکثریتی نی تاثیرسیز وضعیت گه کیتیردی" دییه قید ایتیلدی. 

حمص و طرطوس ده رژیم اردوسی دن تشقری, ایران انقلاب محافظ لری قومانده سی آستیده گی چیت ایللیک ترورچی گروپ لر و لبنان ده گی حزب الله نینگ عسکر لری هم موجود. 

اوشبو توغریده اسرائیل مقام لری تامانیدن ایسه هیچ قنده ی بیر بیانات بیریلگن ایمس. 

اسرائیل, ایچکی اوروش نینگ باشله گن 2011- ییلدن بیری سوریه ده ایریم پیتلرده ایران حمایه سیده گی گروپ لر و رژیم گه عاید حربی مرکز لر گه قرشی هجوم اویوشتیریب کیلماقده.