نید پرایس امریکا هیئاتی بیلن طالبان اورته سیده بولیب اوتگن اوچره شوو حقیده معلومات بیردی

امریکا قوشمه ایالتلری تشقی ایشلر وزیرلیگی سوزچیسی نید پرایس امریکا قوشمه ایالتلری هیئاتی نینگ قطرنینگ پایتختی دوحه ده گی طالبان نماینده لری بیلن آلیب بارگن اوچره شووی نینگ صمیمی، پروفیشنل و اولیملی بولیب اوتگن لیگینی ایتدی.

امریکا قوشمه ایالتلری هیئاتی کوچلری نینگ افغانستاندن بوتونله ی چیقیشیدن کیین طالبان بیلن قطرده ایک مرته یوزمه یوز اوچره شدی.

اوچره شوو بیلن تیگیشلی بیانات بیرگن پرایس جلسه نی "ایش جلسه سی" اوله راق اتب امریکا قوشمه ایالتلری هیئاتی نینگ طالباننی گپلریگه قره ب ایمس، فقط عمللریگه کوره بهالندیره جگینی آچیق بیر شکلده افاده ایتگن لیگینی قید ایتدی.

پرایس، اوچره شووده عین دمده افغانستانده گی ترور تهدیدی، امریکا تبعه لری، امریکا قوشمه ایالتلریگه کمک قیلگن افغانستانلیکلر و چیت ایللیکلرنینگ اولکه دن چیقیشی گه رخصت بیریلیشی نینگ هم تیلگه آلینگن لیگینی بیلدیردی.

جلسه ده امریکا قوشمه ایالتلری استخباراتیدن هم ییتکچیلرنینگ قتنشگن لیگینی معلوم قیلگن پرایس طالبان نینگ امریکا قوشمه ایالتلری بیلن داعش خراسان توغریسیده همکارلیک قیلیب قیلمس لیگی بوییچه بیریلگن سوالگه جواب بیرمه دی.

سوزچی پرایس " بو جایده مشترک بیر منفعت بار. داعش خراسان امریکا قوشمه ایالتلری و اورتاقلریگه بولگنیدیک طالبان اوچون هم بیر تهدید" دیب بهالندیردی.