کابلده ینه انتحاری هجوم لر اویوشتیریلیشی نینگ ممکن ایکن لیگی بیلدیریلدی

تورکیه رادیو تلویزیونی (تی آر تی) بیلن مصاحبه قیلگن خلق ارا خوفسیزلیک منبع لری کابلده ینه انتحاری هجوم لر اویوشتیریلیشی نینگ ممکن ایکن لیگی توغریسیده استخبارات آلگن لیک لری نی معلوم قیلدی. 

کابل هوا قونلغه سی تیگره گیده پنجشنبه کونی ترور تشکیلاتی داعش تامانیدن اویوشتیریلگن انتحاری هجوم عاقبتیده حیاتینی یوقاتگن کیشی لر سانی 183 نفر گه ییتدی. 

حیاتی نی یوقاتگن لر آره سیده باله لر و چقه لاق لر بیلن بیر قطارده 13 نفر امریکالیک حربی لر هم موجود. 

افغانستان دن چیقماقچی بولگن کیشی لر ایسه کابل هوا قونلغه سی نینگ تیگره گیده کوتماقده. 

امریکا قوشمه ایالتلری, افغانستان ده گی وطنداش لری نینگ کابل هوا قونلغه سیدن اوزاق توریش لری نی طلب ایتماقده. 

امریکا اردوسی کابل هوا قونلغه سیده گی هجوم لرنینگ مسئولیتی نی اوز ذمه سیگه آلگن داعش گه قرشی عملیات اویوشتیردی. 

امریکا, پیلوتسیز اوچاق دن فایده له نیب ننگرهار ولایتیده اویوشتیریلگن اوشبو عملیات نتیجه سیده کابل هوا قونلغه سی تیگره گیده انتحاری هجوم نی ریجه له گن لردن بیری بولگن داعش ترورچی سی بیر کیشی نینگ اولدیریلگن لیگی نی بیلدیردی. 

امریکا قوشمه ایالت لری مدافعه وزیرلیگی (پنتاگون) سوزچیسی جان کربی  داعش ترورچیسی بولگن محکوم لر بیلن علاقه لی مهم بیر اعتراف نی مطرح قیلدی. 

کربی, "امریکا قوشمه ایالتلری نینگ ترک ایتگن حربی مرکز لرده مینگلب داعش اعضاسی محکوم بار ایدی" دییه قید ایتدی.