فرانسه ده افغان مهاجر لر توغریسیده مهم بیر ادعا

فرانسه ایچکی ایش لر وزیرلیگی نینگ بویروغی گه بناً کوپچیلیگی افغانستانلیک لردن عبارت 60 نفر مهاجر نینگ پولیس تامانیدن پایتخت پاریس دن هیده لگن لیگی ادعا ایتیلدی. 

اوتوپیا 56 ناملی نادولت تشکیلات, تویتر آرقه لی بیرگن بیاناتیده, توناون کیچه پولیس نینگ ایچکی ایش لر وزیرلیگی نینگ بویروغی گه بناً کوپچیلیگی افغان لر دن عبارت تقریباً 60 نفر اوی سیز مهاجرنی شهر نینگ تشقری سی گه چیقارگن لیگی نی بیلدیردی.

جمهوررئیس امانوئل مکرون نینگ افغانستان بیلن علاقه لی بیرگن بیاناتیده یخشی گپ لر گپیرمه گن لیگی معلوم قیلینگن بیاناتده, کوپلب اوروپا اولکه سی نینگ طالبان دن قاچگن افغان لر نی اوز حدود لریده کوتیب آلیش بوییچه وعده بیررایکن, مکرون نینگ ایسه فقط گینه فرانسه اوچون ایشله گن کیشی لر دن بحث قیلگن لیگی بیلدیریلدی. 

اوشبو نادولت تشکیلات, 15- آگست کونی بیرگن بیاناتیده هم, بیر هفته دن بیری پولیس نینگ کیچقرون افغان مهاجر لر نینگ تینچی نی بوزیاتگن لیگی نی بیلدیرگن ایدی.