ادلب ده بشار الاسد رژیمی نینگ هجومی عاقبتیده کوپلب کیشی حیاتینی یوقاتدی و یره لندی
اولگن کیشی لر سانی نینگ آرتیب کیتیشی بوییچه خواطر بیلدیریلماقده
سوریه ده بشار الاسد رژیمی و حمایه چی لری نینگ ادلب ده بحران نی کمه یتیریش منطقه سیده گی آتشکیسین نی اخلال قیلیب مسکونی منطقه لر گه قره ته اویوشتیرگن هجومی عاقبتیده کمیده 6 کیشی حیاتی نی یوقاتدی.
اولگن اوشبو کیشی لر آره سیده 3 عیال و 2 باله نینگ هم موجود ایکن لیگی بیلدیریلدی.
ادلب نینگ جنوبشرقیده اورین آلگن معره النعمان تومنیده گی حمیدیه حربی مرکزیده جایلشگن رژیم اردوسی و ایران نینگ حمایه سی آستیده گی چیت ایللیک ترورچی گروه لر دن تشکیل تاپگن کوچ لر, ادلب نینگ احسم قیشلاغی گه هجوم اویوشتیردی.
ملکی مدافعه تیم لری, اوشبو حادثه عاقبتیده کمیده 6 کیشی نینگ حیاتی نی یوقاتگن لیگی و کوپلب کیشی نینگ ایسه یره لنگن لیگی نی معلوم قیلدی.
حادثه محلی ده ملکی مدافعه تیم لری نینگ قیدیرو – قوتقرو فعالیت لری دوام ایترایکن, اولگن کیشی لر سانی نینگ آرتیب کیتیشی بوییچه خواطر بیلدیریلماقده.
توناون رژیم کوچ لری نینگ سرجه قیشلاغی گه قره تیلگن هجومی عاقبتیده هم 6 کیشی حیاتینی یوقاتگن ایدی.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی