جاپانده طبیعی آفت عاقبتیده اولگنلر سانی 7 گه ییتدی
قیدیروو - قوتقروو فعالیتلری دوام ایتیب بارماقده
1671239
جاپانده 7 کیشی اولگن سیل و ییر سیلجیشی حادثه سی نینگ 5- کونیده قیدیروو – قوتقروو فعالیتلری دوام ایتماقده.
جاپان نینگ پایتختی توکیونینگ جنوب – غرب تامانیده جایلشگن شیزوکه ایالتی نینگ اتامی منطقه سیده 3 جولایده یوز بیرگن آفت نتیجه سیده کمیده 130 ته اوی – جای ییقیلیب کیتگن.
محلی مسؤللر قیدیروو – قوتقروو فعالیتلریده ینه 3 نفرنینگ جسدی نینگ تاپیب آلینگن لیگینی شونده ی بولیب اولگنلر سانی نینگ 7 که ییتگن لیگینی بیلدیردی.
سیل و ییر سیلجیشی حادثه سیدن کیین لادرک بولگن 20 دن آرتیق کیشی نینگ تاپیلگن لیگی تخمین ایتیلماقده.
اتامیده آفتدن تاثیرلنگن منطقه لرده اطفائیه ملازملری، پولیس و حربی کوچلردن عبارت قیدیروو – قوتقروو گروهلری توپراق آستیده قالیب کیتگنلرنی قیدیرووگه دوام ایتماقده.