ناتو باش منشیسی افغانستان و منطقه موضوعی بوییچه مهم بیانات بیردی

ناتو باش منشیسی ینس ستولتنبرگ تورکیه و امریکا قوشمه ایالتلری کبی بعضی بیر ناتو متفقلری نینگ افغانستانده جایلشگن قونلغه لر کبی مهم زیربنالرنینگ دوام ایتتیریلیشی اوچون دیالوگ ایچیده ایکن لیکلرینی ایتدی.

ستولتنبرگ بلجیم نینگ پایتختی بروکسلده اویوشتیریله دیگن ناتو جلسه سی اوچون ناتو قرارگاهی گه کیلگن چاغیده بیانات بیردی.

ستولتنبرگ "بوگونگی کونده ترانس اتلانتیک مناسبتلریمیزده ینگی بیر بولیم آچه میز" دیب ایتدی. ناتو جلسه سیده رهبرلرنینگ انچه موضوعنی تیلگه آله جکلرینی بولر آره سیده روسیه بیلن چین نینگ هم بولگن لیگینی معلوم قیلدی.

ستولتنبرگ "روسیه بیلن مناسبتیمیز ساووق اوروشیدن بیری انجه قویی سویه ده دیر. بونینگ سببی روسیه نینگ هجومچی حرکتلری. ایشانه من کی روسیه گه قره ته دیالوگ نی اوز ایچی گه آلگن کوچلی مدافعه شکلده اوز ارا یانداشوویمیزنی تایید ایته دی" دیدی.

چین بیلن اقلیم اوزگریشی قاله ویرسه قوراللرنینگ کنترولی توغریسیده فعالیت قیلیش نینگ شرط ایکن لیگینی تیلگه آلگن ستولتنبرگ شولرنی ایتدی.

"چین نینگ حربی کوچه یشی، تاثیر قالدیریشی و تحمیل قیلووچی یانداشوولری هم خوفسیزلیگیمیز جهتیدن بعضی بیر خواطرلرگه سبب بولماقده. تشکیلات اوله راق بولرگه بیرگه لیکده باش قاتیریشیمیز کیره ک" دیب گپیردی.

ستولتنبرگ ناتونینگ افغانستانده گی وظیفه سینی اداغگه ییتکیزیش قراری بیلن تیگیشلی بیر سوالگه شونقه جواب بیردی.

افغانستانلیکلرنی قولب – قوتلش گه، افغانستان خوفسیزلیک کوچلریگه مالی یاردم بیریش گه دوام ایته جکلرینی تاکییدله دی.

قونلغه قاله ویرسه زیربنالرنینگ دواملی بولیشی توغریسیده فعالیت آلیب بارگن لیکلرینی تیلگه آلگن ستولتنبرگ؛

"کابلده خلق ارا بیر قونلغه نی قنداغ قیلیب دوام ایتتیره میز بو توغریده امریکا قوشمه ایالتلری و تورکیه کبی بعضی بیر ناتو اولکه لری دیالوگ آلیب بارماقده. بو هم ناتو متفقلری همده خلق ارا همجمعیت اوچون دیپلوماتیک موجودیت و یاردملرنینگ دوامی جهتیدن جوده مهم" دیب گپیردی.