جو بایدن اولکه سیده گی قوراللی هجوم بیلن تیگیشلی پیام ترقه تدی

امریکا قوشمه ایالتلری دولت باشلیغی جو بایدن کالفورنیانینگ سن جوزه شهریده 8 کیشی حیاتینی یوقاتگن قوراللی هجوم نینگ آرتیدن اولکه ده گی بیراقلرنینگ پایه نینگ یرمی گه توشیریلیشی بوییچه بویروق بیردی.

بایدن موضوع بیلن تیگیشلی بیرگن یازمه بیاناتده، سن جوزه ده گی هجوم توغریسیده دولت باشلیغی اورینباسری کماله هریس و اوزیگه معلومات بیریلگن لیگینی بیلدیردی.

8 نفرنینگ جان بیریشی گه و کوپلب کیشی نینگ یره لنیشی گه سبب بولگن حادثه بیلن تیگیشلی کینگ معلومات آلیش نی کوتگن لیکلرینی اورغوله گن بایدن بیراقلرنینگ پایه نینگ یرمی گه توشیریلیشی بویروغینی بیرگن لیگینی معلوم قیلیب آلدن آتلانتا، کولورادو، جنوبی کالفورنیا، ایندیانا کبی منطقه لرده گی قوراللی هجوملر باعث بیراقلرنینگ پایه نینگ یرمی گه توشیریلگن لیگینی ایسله تیب اوتدی و "ایندی ییتر" پیام بیردی.

بایدن کنگره نی قورال تیزیملری بوییچه تیزده حرکت گه اوتیشی بوییچه چقیریق قیلدی.

"بیر اوق آرقه لی آلینگن بیر جان، ملتیمیزنینگ روحینی پارچه له یدی. بوندن آرتیق نرسه قیلیشیمیز ممکن و قیلیشیمیز شرط" دیب ایتدی.