امریکا قوشمه ایالتلریده اویوشتیریلگن قوراللی هجوم عاقبتیده 8 کیشی حیاتی نی یوقاتدی
اوشبو حادثه جورجیا ایالتیده یوز بیردی
امریکا قوشمه ایالتلری نینگ جورجیا ایالتیده 3 ماساژ سالنی گه قره ته اویوشتیریلگن قوراللی هجوم عاقبتیده 8 کیشی حیاتی نی یوقاتدی.
امریکا مطبوعاتیده باسیلیب چیققن و اتلانتا پولیسی گه تینتیریلیب بیریلگن خبر لر گه کوره, شهرده توناوون کیچقرون 3 ماساژ سالنی گه قره ته قوراللی هجوم اویوشتیریلدی.
پولیس, دستلب جورجیا ایالتی نینگ مرکزی بولمیش اتلانتا نینگ شمالیده محللی وقت بیلن توشکی پیتده آسیالیک لرنینگ بیر ماساژ سالنی گه قره ته اویوشتیریلگن قوراللی هجوم عاقبتیده 4 کیشی نینگ حیاتی نی یوقاتگن لیگی نی بیلدیردی.
اوشبو حادثه دن قیسقه بیر مدت کیین اتلانتا شهری نینگ مرکزی ده گی باشقه بیر ماساژ سالنی ده اوچ کیشی نینگ آتیب اولدیریلگن لیگی معلوم قیلیندی.
خوددی شوو حادثه دن آزگینه بیر مدت کیین ایسه ینه بیر ماساژ سالنی ده بیر کیشی نینگ آتیب اولدیریلگن لیگی بیلدیریلدی.
حادثه آرتیدن بیر نفر مظنون نینگ اوشلنگن لیگی معلوم قیلیندی.
حادثه بیلن علاقه لی تیرگا دوام ایترایکن, اولدیریلگن اوشبو کیشی لرنینگ 6 نفری نینگ آسیالیک عیال لر دن عبارت ایکن لیک لری بیلدیریلدی.
