بیرلشگن ملتلر تشکیلاتی خوفسیزلیک کینگشی میانمارده مظاهره چیلر گه قرشی زورانلیک نی قاره له دی

بیرلشگن ملتلر تشکیلاتی خوفسیزلیک کینگشی, میانمارده کودتا آرتیدن مظاهره چی لر گه قره تیلگن زورانلیک نی بیرینچی مرته قاره له دی و اردو نی معتدل بولیش گه چقیردی. 

خوفسیزلیک کینگشی آلدین میانمارده اردو نینگ کودتا بیلن اقتدار نی قولگه کیریتیشی آرتیدن اوشبو اولکه ده یوز بیریاتگن حادثه لر نینگ فقط گینه قیغو گه سبب بولیاتگن لیگی نی بیلدیرگن ایدی.

بیراق کودتا نینگ قاره له نیشی بوییچه کیلیشه آلمه گن خوفسیزلیک کینگشی, ایندی مظاهره چی لر گه قره تیلگن زورانلیک نی قاره له دی. 

کودتا نینگ قاره له نیشی ایسه چین و روسیه نینگ اعتراضی سببلی بیاناتده اورین آلمه دی. 

15 اعضا گه ایگه خوفسیزلیک کینگشی, عینی دمده میانمارده دموکراتیک اوتیش و حقوق نینگ اوستین لیگی نینگ تامین ایتیلیشی, انسان حق لری گه حرمت کورسه تیلیشی و زورانلیک نینگ اداققه ییتیشتیریلیشی نی طلب ایتدی.