بیرلشگن ملتلر تشکیلاتی افغانستانده عاجل و شرطسیز آتشکیسین چقیریغی قیلدی

بیرلشگن ملتلر تشکیلاتی افغانستانده تینچ اهالی نینگ حیاتینی قوتقریش و ینگی تورکروناویروس (کوید-19) کسل لیگی نینگ ییره ب باریشی گه توسیق بولیش اوچون عاجل و شرطسیز آتشکیسین چقیریغی قیلدی.

بیرلشگن ملتلر تشکیلاتی باش منشیسی انتونیئو گوتز بیرلشگن ملتلر تشکیلاتی ژنو دفتریده بیرلشگن ملتلر تشکیلاتی افغانستان و فینلند تامانیدن اویوشتیریلگن "2020 خلق ارا افغانستان کنفرانسی" گه ویدیو کنفرانس آرقه لی قتنشدی.

اونلب ییلدن بیری دوام ایتیب تورگن توقنه شوولرگه بناً افغانستان خلقی نینگ قانیقرلی درجه ده آلغه بارگن لیگینی معلوم قیلگن گوترز سوو، برق و ساغلیقنی سقلش خذمتلری نینگ کوپه ییب بارگن لیگینی اولکه مقیاسیده قیز و ایرککلرنینگ مکتب باریش سانی نینگ کوپه ییب بارگن لیگینی قید ایتدی.

گوترز "افغانستانلیکلر اینیقسه خاتین – قیز، اقلیت و باله لر حقی قاله ویرسه انسان حقلریگه ایریشیش بوییچه قانیقرلی درجه ده ایلگریلب باردی" دیدی و بو حقلرنینگ صلحانه بیر کیلجک اساسینی تشکیل ایتیشینی اورغوله دی.

افغانستان خلقی نینگ توقنه شوولر، قشّاقلیک و قانون اوستین لیگی نینگ نا تینگ شکلده عملی قیلینیشی کبی جدی قیینچیلیکلر بیلن دوچ قالگن لیگی گه اشاره قیگن گوترز بولرگه گلوبال ینگی تور کروناویروس (کوید-19) کسل لیگی نینگ قوشیلگن لیگینی قید ایتدی.

گوترز قی فصلیده بو کسل لیک نینگ ضعیف بولگن افغانستان ساغلیقنی سقلش تیزیمی گه سلبی تاثیر قالدیریب یمانلشتیریب باریشیدن خواطرده ایکن لیگینی تیلگه آلدی.

افغانستان، فینلند و بیرلشگن ملتلر تشکیلاتی افغانستان یاردم باشقرمه سی (یوناما) باشچیلیگیده توناون کونی باشله گن کنفرانس بوگون اوز نهایه سیگه ییتیب باره دی.

افغانستان نینگ اوسیش – ترقیاتینی قوللب-قوتلش اوچون 4 ییلده بیر مرته اویوشتیریلگن خلق ارا کنفرانس گه 70 اولکه و خلق ارا نادولت تشکیلاتلر قتنشدی.