تورکیه جمهوریتی تشقی ایش لر وزیری اطریش ده گی ترورچیلیک هجومی نی قاره له دی

تورکیه جمهوریتی تشقی ایش لر وزیری مولود چاووش اوغلی, اطریش پایتختی ویانا ده اویوشتیریلگن ترورچیلیک هجومی نی قاره له دی. 

چاووش اوغلی, تویتر آرقه لی بیرگن بیاناتیده, ویانا ده تروریزم نینگ ینه بیر بار یمان یوزی نی کورستگن لیگی نی بیلدیررایکن, "تروریزم بشریت نینگ مشترک دشمنی دن عبارت. اوشبو بلا گه قرشی خلق ارا مقیاسده صمیمی بیر همکارلیک ضروری.  بو قیغولی کونده اطریش خلقی نینگ یانیده میز" دییه قید ایتدی. 

تشقی ایش لر وزیرلیگی تامانیدن هم اوشبو خصوصده بیانات بیریلدی. 

بیاناتده, "هجوم نی قتتیق بیر شکلده قاره لرایکن, حیاتی نی یوقاتگن کیشی لرنینگ عایله لری گه تسلیت بیلدیررایکن, یره لنگن کیشی لر گه ایسه عاجل شفا تیلب قاله میز.  اونلب ییل دن بیری هر خیل تروریزم گه قرشی کوره ش آلیب باریاتگن تورکیه راق بو قیین کونده اطریش خلقی نینگ یانیده میز" دییه قید ایتیلدی. 

جمهوررئیسلیک سوزچیسی ابراهیم قلین هم اوشبو خصوصده تویتر آرقه لی پیام ترقه تدی.    

قلین اوشبو پیامیده, "ویانا ده اویوشتیریلگن ترورچیلیک هجومی نی قتتیق قاره له یمیز.  بو منفور هجوم عاقبتیده حیاتی نی یوقاگن کیشی لرنینگ عایله لریگه تسلیت بیلدیره میز. هر خیل ترورچیلیک فعالیتی گه قرشی اطریش نینگ یانیده میز.  تروریزم گه قرشی کوره شی میز نی قرارلی لیک بیلن دوام ایتتیره میز" دییه قید ایتدی.

عینی دمده تورکیه جمهوریتی جمهوررئیسلیک ارتباط لر ریاستی نینگ باشلیغی فخرالدین آلتون هم اطریش پایتختی ویانا ده اویوشتیریلگن ترورچیلیک هجومی نی قاره له دی. 

آلتون, اجتماعی ترماق آرقه لی بیرگن بیاناتیده, "ویانا ده اویوشتیریلگن ترورچیلیک هجومی نی قتتیق قاره له یمن. هجوم عاقبتیده حیاتی نی یوقاتگن کیشی لرنینگ عایله لری گه تسلیت بیلدیررایکن, یره لنگن کیشی لر گه ایسه عاجل شفا تیلب قاله من.  تورکیه, تروریزم نینگ قرشی سیده و اطریش خلقی نینگ یانیده دیر.  قیغوداشلیک بیلدیره میز" دییه قید ایتدی.