ارمنستان کوچلری آذربایجانده مسکونی منطقه لر و مکتبلرگه هجوم اویوشتیرماقده

ارمنستان اردوسی، ترتر-آغدم گذرگاهیده بیر مکتب گه توپ بیلن نشان آلیب اوردی.

تورکیه رادیو تلویزیون اداره سی (TRT) ارمنستان نشان آلیب اورگن مکتب نی تصویرگه آلدی.

ارمنستان آتشکیسین گه قره مه ی آذربایجان نینگ مسکونی منطقه لرینی اماج قرار بیریش گه دوام ایتماقده.

ارمنستان اردوسی ایرتلب تانگ وقتیده ترترگه قتّیق توپ آتیشلریگه قول اوردی. ترتر-آغدم گذرگاهیده بیر مکتب گه توپ بیلن نشان آلیب اوردی.

ویران بولگن مکتب نی TRT خبر تصویرگه آلدی.

بوگونگچه ارمنستان اردوسی تامانیدن اویوشتیریلگن هجوملرده آماج قرار بیریلگن مکتب سانی ترتر منطقه سیده 13 گه ییتدی.

هم تینچ اهالی، هم ژورنالیستلر همده دولت بنالری ارمنستان اردوسی تامانیدن آماج قرار بیریلماقده.

ارمنستان اردوسی، آذربایجان نینگ ترتر شهریده تینچ اهالی لرگه قره ته اویوشتیرگن هجوملرنی تعقیب ایتگن آذربایجان دولت تلویزیونی (AZTV) نینگ ایشلاوچیلرینی آماج قرار بیررکن بو هجوم عاقبتیده ژورنالیستلرنی تشووچی موترنینگ هیداوچیسی یره لنگندی.

آذربایجان باش قاره لاوچی لیگی 27 سپتامبردن 14 اکتوبرگچه ارمنستان هجوملری باعث 43 نفر آذربایجانلیک تینچ اهالی نینگ حیاتینی یوقاتگن لیگینی 206 نفرنینگ یره لنگن لیگینی بیلدیرگندی.

آذربایجان اردوسی، ارمنستان اردوسی تامانیدن مسکونی منطقه لر آماج قرار بیریلیشی بیلن 27 سپتامبرده قرشی هجوم اویوشتیرگندی. موضعلرینی قولدن بیرگن ارمنستان اردوسی آذربایجان مسکونی منطقه لریگه توپ و راکتلر بیلن هجوم اویوشتیریش گه دوام ایتگندی.

آذربایجان و ارمنستان روسیه نینگ پایتختی مسکوده بولیب اوتگن اوچره شوولرده 10 اکتوبر محلی وقت بیلن ساعت 12:00 دن باشلب تاغلیک قاره باغده گی جنازه لر و اسیرلرنینگ المه شووینی اوز ایچی گه آلگن آتشکیسین قراری آلگندی.

لیکن آتشکیسین نینگ اوستیدن 24 ساعت اوتمه ی توریب ارمنستان اردوسی نینگ 11 اکتوبرده آذربایجان نینگ گنجه شهریگه راکت اوروشی عاقبتیده 9 کیشی اولیب 35 کیشی یره لنگندی.

باشقه تاماندن آذربایجان اردوسی ارمنستان نینگ انسانسیز هوا واسطه سینی اوروب توشیردی.

آذربایجان مدافعه وزیرلیگیدن بیریلگن بیاناتده توش وقتی جبهه نینگ فضولی تامانیده اوچیش قیلگن ارمنستان نینگ انسانسیز هوا واسطه سی نینگ آذربایجان هوا مدافعه کوچلری تامانیدن یوق قیلیب تشله گن لیگی بیلدیریلدی.

آذربایجان اردوسی 12 اکتوبرده ارمنستان نینگ 3 ته انسانسیز هوا واسطه سینی اوروب توشیرگندی.