آذربایجان اردوسی نینگ, اوز توپراق لری نی آزاد ایتیش اوچون باشلتگن عملیاتی دوام ایتماقده

آذربایجان مدافعه وزیرلیگی, آذربایجان اردوسی نینگ اوز توپراق لری نی آزاد ایتیش اوچون باشلتگن عملیاتی نینگ دوام ایتیاتگن لیگی نی معلوم قیلدی.

آذربایجان مدافعه وزیرلیگی تامانیدن بیریلگن بیاناتده, توناوون اویوشتیریلگن عملیات لرده ارمنستان قوراللی کوچ لری نینگ 5- محارب غندی نینگ توپچی قطعه سی نینگ قوماندانی بیلن کوپلب عسکر نینگ اولگن لیگی, 10- محارب فرقه سی نینگ قوماندانی نینگ ایسه آغیر یره لنگن لیگی بیلدیریلدی. 

ارمنی اردوسی قطعه لری اورته سیده جنجال پیدا بولگن لیگی و عسکر لرنینگ قاچگن لیگی معلوم قیلیندی. 

وزیرلیک تامانیدن بیریلگن بیاناتده, توناوون دن بوگون ایرته لب گه قدر ارمنستان اردوسی نینگ کوپلب واسطه سی نینگ یوق قیلینگن لیگی و بیر تانکی نینگ قولگه کیریتیلگن لیگی بیلدیریلدی. 

ایندی, اشغال دن آزاد ایتیلگن جبرائیل ولایتی نینگ قیشلاق لریده آذربایجان بیراغی آسیلگن وضعیتده. 

آذربایجان مدافعه وزیرلیگی تامانیدن ترقه تیلگن تصویر لرده, جبرائیل ولایتی نینگ قیشلاق لریده ارمنستان اردوسی نینگ واسطه لری نی تشلب قاچیب کیتگن لیگی کورینماقده. 

آذربایجان مدافعه وزیرلیگی, ارمنستان گه عاید تانک و زرهی واسطه لرنینگ اوریلگن لیگی نینگ هوا دن ثبت ایتیلگن تصویر لری نی ترقتدی. 

تصویرلرده, هجوم اویوشتیریش اوچون توپله نیب تورگن تانک و زرهی واسطه لرنینگ اوریلگن لیگی کورینماقده.