ارمنستان اردوسی آغیر تلفات بیردی

آذربایجان توناون کونی یوز بیرگن توقنه شوولرده ارمنی اردوسیدن 550 نفر دن آرتیق عسکرنینگ اولیب یره لنگن لیگینی بیلدیردی.

آذربایجان ملی مدافعه وزیرلیگی تامانیدن بیریلگن بیاناتده بیلدیریلشیچه، آغیر تلفات بیرگن ارمنستان اردوسیدن 22 ته تانک و ایریم زره واسطه لر، 15  OSA دافع هوا راکت تیزیمی، 18 ته انسانسیز هوا واسطه سی 8 ته توپ پارچه سی یوق قیلیندی.

ارمنی اردوسیدن 550 نفر دن آرتیق عسکرنینگ اولیب یره لنگن لیگی، دشمن اردوسی نینگ 3 ته مهمات دیپوسی نینگ یوق قیلینگن لیگی بیلدیریلدی.

ترت منطقه سیده گی تالیش قیشلاغیده گی توقنه شوولرده دشمن هوا کوچلری کندک قومندانی لرنیک بابایان اولدیریلدی و اونینگ قومنده سیده گی عسکری کندکده آغیر تلفات یوز بیردی.  تالیش قیشلاغی اطرافیده گی بعضی بیر تپه لر اشغالچی کوچلردن تمیزلندی.

وزیرلیک ارمنی عسکرلرنینگ جسدلرینی هوادن آلینگن ویدیو تصویرلرینی هم پایلشدی.

ارمنستان اردوسی نینگ موضع لریگه راکت و توپ اوریشلری آرقه لی ضربه اوریلگن لیگی ارمنی کوچلرنینگ آرقه گه چیکینگن لیگی معلوم قیلیندی.

"دشمن اردوسیده انچه کیشی یره لنگن لیگی باعث عسکری و ملکی کسلخانه لرده جای قیینچیلیکلری یوز بیرماقده، قان بانکلریده ذخیره قان بوییچه کمچیلیک موجود. هردایم بولگنیدیک ارمنی تامانی اردوسیده گی تلفات سانینی خلقدن یشیرماقده" دییلدی.

باشقه تاماندن آذربایجان مسکونی منطقه لریگه اوق اوریش نی دوام ایتتیرگن ارمنستان اردوسینی آگاهلنتیردی.    

 آذربایجان مدافعه وزیرلیگی تامانیدن بیریلگن بیاناتده، ارمنستان اردوسی نینگ ایرته لب ترتر شهریگه اوق اوزگن لیگی معلوم قیلینر ایکن، "ارمنستان نی سونگگی مرته آگاهلنتیره میز. بیز هم تدبیر اوچون جواب بیره میز" دیب ایتیلدی.

وزیرلیک یوز بیرگن توقنه شوولرده ارمنستان نینگ تانک و زره واسطه لری نینگ یوق قیلینیشینی هوادن آلینگن ویدیو تصویرینی نشر قیلدی.

توناون کونی ایرته لب لب آذربایجان - ارمنستان جبهه خطیده ارمنی کوچلری نینگ آذربایجان مسکونی منطقه لریگه قره ته اوق اوزیشی بیلن توقنه شوو باشله گن ایدی.

آذربایجان اردوسی هجوم اویوشتیریب بعضی بیر مسکونی منطقه لرنی اشغالدن قوتقریب آلگندی.