امریکا قوشمه ایالتلری کمیده 37 میلیون کیشی نینگ مهاجر بولیشی گه سبب بولگن

امریکا قوشمه ایالت لری نینگ, 2001- ییل 11 سپتامبر ده دنیا تجارت مرکزی و پنتاگون گه قره ته اویوشتیریلگن هجوم لر آرتیدن باشلتگن تروریزم گه قرشی کوره ش بوییچه اوروش لری بیلن, کمیده 37 میلیون کیشی نینگ مهاجر بولیشی گه سبب بولگن لیگی بیلدیریلدی.

براون عالی بیلیم یورتی تامانیدن ترقه تیلگن "اوروش نتیجه لری" ناملی راپورده, "تروریزم گه قرشی کوره ش" بهانه سی بیلن باشله تیلگن حربی تشبث لرنینگ مهاجر لر گه قالدیرگن تاثیری توغریسیده معلومات بیریلدی. 

راپورده, امریکا قوشمه ایالتلری نینگ مذکور حربی تشبث لری سببلی کمیده 37 میلیون کیشی نینگ مهاجر بولگن لیگی و اوشبو رقم نینگ ایککینچی جهان اوروشی دن تشقری, 1900- ییل دن بیری یوز بیریب کیلگن اوروش لر باعث مهاجر لر بولگن کیشی لرنینگ توپلمی دن آرتیق ایکن لیگی معلوم قیلیندی. 

اوشبو راپورده, افغانستان, عراق, پاکستان, سومالیا, لیبیا و سوریه کبی اولکه لر تیکشیریلگن. 

امریکا نینگ سومالیا ده گی الشباب ترور تشکیلاتی گه قره شی 2002 - ییلده گی حربی مداخله سی دن بیری اوشبو اولکه نفوسی نینگ 46 فایزی نینگ قوشنی اولکه لر گه مهاجر بولگن لیگی بیلدیریلدی. 

راپورده, امریکا نینگ چاد, کانگو, مالی و نیجر کبی اولکه لرده اویوشتیرگن کیچیک عملیات لری نتیجه سیده مهاجر بولگن کیشی لرنینگ حساب گه آلینمه گن لیگی و شوباعث اوشبو رقم نینگ 48 الی 59 میلیون دن عبارت بولیشی نینگ ممکن ایکن لیگی معلوم قیلیندی.