هندوستان نینگ جمو و کشمیر منطقه سیده توقنه شوو یوز بیردی

هندوستان نینگ جمو و کشمیر منطقه سیده هند خوفسیزلیک کوچلری بیلن مستقللیک طرفداری مقاومتچیلر اورته سیده یوز بیرگن توقنه شووده مستقل لیک طرفداری 3 نفر مقاومتچی حیاتینی یوقاتدی 1نفر پولیس یره لندی.

مسؤللر، سریناگرده خوفسیزلیک کوچلری بیلن مقاومتچیلر اورته سیده توقنه شوو یوز بیرگن لیگینی بیلدیردی.

توقنه شووده 4 نفر مقاومتچی حیاتینی یوقاتدی بیرته پولیس یره لندی.

شو بیلن منطقه ده سونگی 36 ساعت ایچیده یوز بیرگن 3- توقنه شوو بولدی.

بو توقنه شوولرده توپلم 2 ته خوفسیزلیک کوچلری منسوبی و 10 نفر مقاومتچی حیاتینی یوقاتدی.

هندوستان 2019- ییل 5 اگستده قبول قیلگن اساسی قانون اوزگریشی بیلن جمو و کشمیرنینگ خودمختارلیگینی کوتریب تشلرکن، ایالت اداره سینی هم لغو ایتیب مذکور منطقه نی مرکزگه باغلیق ایککی ته ایریم توده توپراغی اوله راق ایریب تشله گندی.

بو قرارنینگ آرتیدن هندوستان خوفسیزلیک کوچلری جمو و کشمیرده برقرارلیک عملیاتلری و خلق نینگ اوستیده گی باسیملرینی کوپه یتیرگندی. عین دمده کوچه چیقیشنی منع قیلیش بیلن بیر قطارده انترنیت، تیلفون و ترانسپورت چیکلاولری کیلتیریب منطقه ده گی محلی اداره چیلر بیلن اعضالرینی قولگه آلگندی.