امریکا قوشمه ایالتلریده ناراضی چیلیک نمایش لری دوام ایتماقده

امریکا قوشمه ایالتلریده, قاره تنلی جورج فلوید نینگ پولیس تامانیدن اولدیریلیشی آرتیدن باشله گن ناراضی چیلیک نمایش لری 10 کون دن بیری دوام ایتماقده. 

امریکا رهبریتی, نمایشچی لر گه قرشی قتتیق تدبیر لر آلماقده. 

مدافعه وزیری مارک ایسپر, "واشنگن دی سی یقینی ده گی حربی مرکز لر گه تدبیر اوچون ییرلشتیریلگن عسکر لرنینگ اوز مرکز لری گه قیتریلیشی بوییچه" قراری دن وازکیچدی.

وزیرلیک مسئول لری, آلدینگی آقشام اوشبو منطقه گه جایلشتیریلگن 1 مینگ 6 یوز عسکر نینگ توناون آقشام دن باشلب اوز مرکز لری گه قیتریله دیگن لیگی نی بیلدیرگن ایدی. 

آق اوی سوزچیسی کیلی مک اننی هم, دولت رهبری دونالد ترامپ نینگ, کیره ک بولگن تقدیرده, ناراضی چیلیک نمایش لری گه قرشی عصیان قانونی نی تطبیق ایته دیگن لیگی نی بیلدیردی. 

اوشبو قانون دایره سیده نمایشچی لر گه قرشی کوچ دن فایده له نیش ممکن. 

عینی دمده, فلوید نینگ اولیمی گه سبب بولگن پولیس درک شووین نینگ عیبلاو درجه سی نینگ آرتیریله دیگن لیگی و شووین نینگ ایککینچی درجه جنایت دن محاکمه قیلینه دیگن لیگی معلوم قیلیندی.

شووین نینگ محاکمه سی بوییچه پروسه نینگ 8 جون ده باشلیدیگن لیگی بیلدیریلدی. 

عینی دمده حادثه محللی ده گی ینه اوچ پولیس نینگ هم اوشبو حادثه نینگ یوز بیریشی بوییچه شرایط یره تیب بیریش عیبلاوی بیلن محاکمه قیلینه دیگن لیگی معلوم قیلیندی. 

مینه سوتا ایالتی ده 25 می ده, پولیس فلوید نی نظارت آستیگه آلرایکن, "نفس آله آلمیمن" دیب بقیرگن لیگی گه قره مسدن, تیزه سی بیلن اونینگ بوینی گه باسیش نی دوام ایتتیردی. 

اوشبو حادثه آرتیدن قاره تنلی جورج فلوید حیاتی نی یوقاتدی. 

خوددی شوو حادثه آرتیدن امریکا قوشمه ایالتلری ده باشله گن ناراضی چیلیک نمایش لری حاضرگی کون گه قدر دوام ایتماقده.