آلمانده کیم لیگی نامعلوم کیشی لر تامانیدن بیر مسجدگه هجوم اویوشتیریلدی

آلمان نینگ کولن شهریده تورک دیانت ایشلری تورک اسلام بیرلیگی گه باغلیق کولن شرویلر مسجدی، کیم لیگی نامعلوم کیشی لر تاشله گن.

اولکه ده ینگی تور کروناویروس (کوید-19) کسل لیگی باعث جمعیت بیلن عبادت نینگ 8 هفته توخته تیلیشی نینگ آرتیدن قیته دن عبادت گه اچیله جگی کون کتته ایشیک نینگ تخریب بولگن لیگی بیلدیریلدی.

تانگ وقتی ساعت 01:13 ده قول اوریلگن بو تاش بارانلیک مسجدنینگ کمره لریدن انیق کوریلگن.

ویدیو تصویرده هجومچیلرنینگ 2 کیشی ایکن لیگی کوریلماقده.

مسجد اویوشمه باشلیغی ابراهیم آلتون تانگ وقتی مسجدلریگه قول اوریلگن هجوم نینگ پولیس گه راپور بیریلگن لیگینی و پولیس تامانیدن تیکشیروو باشله تیلگن لیگینی ایتدی.

آلتون هجومچیلرنینگ تیزده قولگه آلینیب عدالت گه تسلیم بیریلیشینی کوتگن لیکلرینی افاده ایتدی.