کانادا ده قوراللی هجوم عاقبتیده کوپلب کیشی هلاکتگه اوچره دی
اوشبو حادثه کانادا نینگ نوا اسکوشیا ایالتیده یوز بیردی
کانادا نینگ نوا اسکوشیا ایالتیده بیر کیشی تامانیدن اویوشتیریلگن قوراللی هجوم عاقبتیده 16 کیشی حیاتینی یوقاتدی.
کانادا قراللیک آتلی پولیس کوچی نینگ قوماندانی برندا لوکی, نوا اسکوشیا ایالتی نینگ چیککه حدود لری دن بیری بولگن "پورتابیک" قصبه سیده, شنبه کیچه گابریال وورتمن اسمی ده بیر کیشی تامانیدن قوراللی هجوم اویوشتیریلگن لیگی نی بیلدیردی.
لوکی, یکشنبه کونی توشکی پیت گه چه دوام ایتگن اوشبو قوراللی هجوم عاقبتیده آره سیده کانادا قراللیک آتلی پولیس کوچی نینگ بیر پولیسی نینگ هم موجود بولگن 16 کیشی نینگ جان بیرگن لیگی نی معلوم قیلدی.
حادثه نینگ ترورچیلیک هجومی دن عبارت ایمس لیگی نی معلوم قیلگن لوکی, اولگن کیشی لرنینگ سانی نینگ آرتیب کیتیشی نینگ ممکن ایکن لیگی نی بیلدیردی.
اوشبو اولکه نینگ اینگ مهم آجنداسی گه ایله نیب قالگن حادثه بیلن علاقه لی بیرگن بیاناتیده, کانادا باش وزیری جستین ترودو, اولگن کیشی لر نینگ عایله لری گه تسلیت بیلدیررایکن, یره لنگن کیشی لر اوچون ایسه عاجل شفالر تیلب قالدی.
هجومچی نینگ نیمه اوچون هجوم اویوشتیرگن لیگی توغریسیده ایسه انیق بیر معلومات موجود ایمس.
علاقه لی ینگی لیکلر
آذربایجان بیلن ارمنستان اورته سیده تینچلیک اوچره شوولری بولیب اوتماقده
اوشبو اوچره شوولرگه قزاقستان نینگ آلماتا شهری میزبانلیک قیلماقده
سنگال ده بیر اوچاق نینگ یولدن چیقیب کیتگن لیگی بیلدیریلدی
یولدن چیقیب کیتگن اوشبو اوچاقده اونلب کیشی بارلیگی بیلدیریلدی