خلیلزاد طالبان محکوم لری نینگ قویب یوباریلیشی کیره ک ایکن لیگی نی بیلدیردی

امریکا قوشمه ایالتلری نینگ افغانستان بوییچه خاص نماینده سی زلمی خلیلزاد, افغانستان قماقخانه لریده گی طالبان محکوم لری نینگ اوز وقتی ده قویب یوباریلیشی کیره ک ایکن لیگی نی معلوم قیلدی. 

خلیلزاد, تویتر آرقه لی بیرگن بیاناتیده, طالبان و افغانستان حکومتی نینگ, محکوم لرنینگ اینگ قیسقه مدت ده قویب یوباریلیشی بوییچه مشترک فعالیت آلیب باریشی کیره ک ایکن لیگی نی بیلدیردی. 

امریکا قوشمه ایالتلری بیلن طالبان اورته سیده کیلیشوو نینگ امضاله نیشی دن حاضرگی کونگه چه هیچ بیر محکوم نینگ قویب یوباریلمه گن لیگی نی بیلدیرگن خلیلزاد, طالبان نینگ, قویب یوباریلگن اعضا لری نینگ ینه بیر مرته اوروشمیدیگن لیگی خصوصیده وعده بیرگن لیگی نی ایسله تیب اوتدی. 

تامان لرنینگ تحریک ایتووچی بیانات لر بیرمس لیگی کیره ک ایکن لیگی نی معلوم قیلگن خلیلزاد, طالبان نینگ بیرگن وعده لری گه وفا قیلمس لیگی تقدیرده, تینچلیک پروسه سی نینگ یخشی بیر شکلده دوام ایتمیدیگن لیگی نی معلوم قیلدی. 

خلیلزاد, افغانستان لیک لرنینگ اولکه ده گی سیاسی بحران نی بیر یقه دن باش چیقاریب ییچیشی کیره ک ایکن لیگی نی ایسله تیب اوتدی. 

افغانستان جمهوررئیسی محمد اشرف غنی تامانیدن قیلینگن قرار بیلن 14 مارچ ده باشلب بیر مینگ 5 یوز, افغانستان لیک لر اورته سیده گی مذاکره لرنینگ باشله شی بیلن بیرگه ایسه, هر ایککی هفته ده بیر مینگ 5 یوز دن عبارت بوله دیگن شکلده توپلم 5 مینگ محکوم نینگ قویب یوباریلیشی ریجه لنگن ایدی.