دانلد ترامپ اشرف غنی نی تبریک ایتدی

امریکا قوشمه ایالتلری دولت باشلیغی دانلد ترامپ، افغانستان جمهور باشلیغی اشرف غنی نی اولکه سیده گی تینچلیک جریانی بیلن تیگیشلی اوله راق تبریک ایتدی.

آق اوی سوزچی یاردمچیسی جاد دیر Judd Deere، بیرگن یازمه بیاناتیده ترامپ و غنی نینگ تیلفون آرقه لی صحبت قیلگن لیگینی بیلدیردی.

ترامپ نینگ غنینی افغانستانده تینچ بیلن تیگیشلی آتیلگن آدیملر بوییچه تبریک ایتگن لیگینی معلوم قیلدی.

"ایککی دولت رهبری شنبه کونگی امریکا قوشمه ایالتلری – افغانستان مشترک اعلامیه سی و افغانستانگه تینچلیک تامین ایتیش کیلیشووی نینگ افغانستان تینچلیک جریانی اوچون جوده مهم ایکن لیگی توغریسیده هم فکر دیرلر" دیب ایتدی.

دیر، ایککی رهبرنینگ تینچلیک جریانی نینگ بوندن کیینگی باسقیچلریده بیر – بیرلری بیلن علاقه ده بولیب توره جکلرینی قید ایتدی.

"افغانستانگه تینچلیک تامین ایتیش کیلیشووی" دیب اتلگن بو کیلیشووگه قریب 2 ییلدن بیری امریکا قوشمه ایالتلری – طالبان گروهی اورته سیده گی اوچره شوولرگه میزبانلیک قیلگن قطرنینگ پایتختی دوحه ده اویوشتیریلگن مراسم بیلن قول قوییلگندی.

افغانستانده گی امریکا قوشمه ایالتلری متفقلری و ائتلاف کوچلری نینگ اولکه ده جایلشگن عسکرلری نینگ سانینی 135 کون ایچیده 8 مینگ 600 کیشی گه توشیریلیشینی اوز ایچی گه آلگن بو کیلیشووده "طالبان نینگ کیلیشوونی رعایت قیلگن تقدیرده امریکا قوشمه ایالتلری متفقلری و ائتلاف کوچلری عسکرلری نینگ برچه سینی 14 آی ایچیده اولکه دن چیقره دی" دیگن افاده گه اورین بیریلگن.