مایک پمپیئو جاپان و جنوبی کوریالیک کسبداشلری بیلن اوچره شدی

امریکا قوشمه ایالتلری تشقی ایشلر وزیری مایک پمپیئو شمالی کوریا بیلن توخته لیب قالگن هسته ای قورال اوچره شوولرینی قولگه آلیش اوچون جنوبی کوریا و جاپانلیک کسبداشلری بیلن اوچره شدی.

امریکا قوشمه ایالتلری تشقی ایشلر وزیرلیگیدن بیریلگن بیاناتده،  تشقی ایشلر وزیری مایک پمپیئونینگ جاپان تشقی ایشلر وزیری توشیمیتسو موتگی و جنوبی کوریا تشقی ایشلر وزیری کنگ کونگ – وها بیلن کلفورنیاده قیلگن صحبتده "هند اوقیانوسی منطقه سی و جهانگه تینچلیک و بردملیک اوچون" اوچ اولکه نینگ متفق لیگی نینگ اهمیتی گه اشاره قیلینگن لیگی بیلدیریلدی.

اوچره شووده اوچ تامانلیک همکارلیک نینگ منطقه ده تینچلیک نی تامین ایتیش اوچون جوده مهم ایکن لیگی اورغولنگن.

باشقه تاماندن مایک پمپیئونینگ کلفورنیا سفری چاغیده امریکا قوشمه ایالتلری خزینه وزیرلیگی، بیرلشگن ملتلر تشکیلاتی چیکلاولرینی رعایت قیلمه ی شمالی کوریالیک ایشچیلرنینگ چیت ایلده ایشله شی گه همکارلیک قیلگن ایککی شرکت گه تحریم کیلتیریلگن لیگینی اعلان قیلدی.

امریکا قوشمه ایالتلری خزینه وزیری ستیوین منوچین بیرگن بیاناتیده شولرنی ایتدی.

"شمالی کوریالیک ایشچیلرنینگ چیت ایل گ هجونه تیلیشی، بیرلشگن ملتلر تشکیلاتی چیکلاولرینی اخلال قیلیش چوکاتیده شمالی کوریا اداره سیگه ناقانونی فایده کیریتیشی گه سبب بولماقده" دیب افاده ایتدی.