بوگون آذربایجان ده سیلاو بولیب اوتماقده

آذربایجان ده, شهر, قصبه و قشلاق شهردارلیک لری کینگشی اعضالری نینگ سیله نیشی بوییچه سیلاو بولیب اوتماقده. 

محللی وقت بیلن ساعت 8 ده باشله گن سیلاو لر دایره سیده 41 مینگ 462 کاندید, بیر مینگ 606 شهردارلیک نینگ 15 مینگ 156 کینگش اعضالیگی کرسی سی اوچون رقابت ایته دی. 

تورت میلیون 972 مینگ کیشی نینگ اشتراک ایته دیگن اوشبو سیلاو لر, بوگون محللی وقت بیلن کیچقرون ساعت 7 ده اداققه ییته دی. 

آذربایجان ده گی قانون لر گه کوره, محللی سیلاو لر ده آلدین کینگش اعضا لری سیله نه دی. کیین ایسه کینگش اعضاسی ایتیب سیلنگن اوشبو کیشی لر دن بیری شهردار ایتیب سیله نه دی.