روسیه تامانیدن قولگه آلینگن اوکراین نینگ حربی کیمه لری تسلیم ایتیله دی

روسیه قاره دینگیز کرچ بوغوزیده قولگه آلگن حربی کیمه لرنی اوکراین گه تسلیم ایتیب بیره دی.

روسیه فدرال خوفسیزلیک سرویسیدن بیریلگن بیاناتده، روسیه تامانیدن کرچ بوغوزیده قولگه آلگن اوکراین نینگ 3 حربی کیمه سی نینگ تسلیم ایتیب بیریش اوچون کرچ بوغوزیدن حرکت قیلگن لیگی بیلدیریلدی.

مذکور بیاناتده؛

"اوکراین بیلن بولیب اوتگن کیلیشووگه بناً (نیکوپول، ینگی ایشیک و بردیانسک) حربی کیمه لر 18 نوامبر کونی قرارلشتیریلگن جایده تسلیم ایتیله دی" دیب ایتیلگن.

روسیه حربی کیمه لر اوتگن ییلی نوامبر آییده قاره دینگیز کرچ بوغوزی ساحه سیده سوو حدودینی اخلال قیلگن لیگی بیلن عیبلب اوکراین دینگیز کوچلری نینگ 3 حربی کیمه سینی قولگه آلیب پرسونللرینی نظارت گه تشله گن ایدی.

خلق ارا دینگیز حقوقی محکمه سی می آییده روسیه تامانیدن قولگه آلینگن 3 کیمه بیلن 24 نفر پرسونلی نینگ آزاد ایتیلیشی بوییچه قرار قبول قیلگن ایدی.

روسیه بیلن اوکراین اورته سیده کرچ بوغوزی بحرانی نینگ آرتیدن قولگه آلینگن 24 نفر اوکراین لیک دینگیزچی نی اوز ایچی گه آلگن اسیر المه شووی سپتامبر آییده عملگه آشیریلگن ایدی.