افغانستان ده تینچ لیک مذاکره لری بوییچه کیلیشیب آلیندی
طالبان نینگ هم زودلیک بیلن اوشبو مذاکره لر گه قوشیلیشی طلب قیلیندی
روسیه, چین و امریکا قوشمه ایالتلری خاص نماینده لری نینگ بوگون روسیه پایتختی مسکوده بولیب اوتگن افغانستان بوییچه ییغیلیشی جریانیده طالبان زودلیک بیلن تینچ لیک مذاکره لری گه اشتراک قیلیش گه چقیریلدی.
روسیه, چین و امریکا قوشمه ایالتلری نینگ افغانستان بوییچه خاص نماینده لری ضمیر کابلوف, دینگ خیجونگ و زلمی خلیلزاد نینگ بولیب اوتگن مطبوعات گه یاپیق ییغیلیشی آرتیدن 8 ماده لیک بیر کیلیشوو بیلدیروی ترقه تیلدی.
امریکا, روسیه و چین نینگ افغانستان نینگ ایرکین لیگی و توپراق بوتونلیگی گه حرمت قیلیاتگن لیگی بیلدیریلگن بیلدیروده, تامان لرنینگ افغانستان ده تینچ لیک مذاکره لری نی قوللب- قوتلیاتگن لیگی و اوشبو پروسه بوییچه همکارلیک قیلیش گه تیار ایکن لیک لری معلوم قیلیندی.
بیلدیروده, "تامان لر طالبان نی زودلیک بیلن حکومت داخل افغانستان هیئتی نینگ نماینده لری بیلن تینچ لیک بوییچه مذاکره اوتکزیش گه چقیردی" دییه قید ایتیلدی.
روسیه, چین و امریکا نینگ تروریزم گه قرشی کوره ش بوییچه افغانستان رهبریتی بیلن همکارلیک قیلیاتگن لیگی بیلدیریلگن بیلدیروده, اوچ تامان نینگ هم افغانستان ده تینچ لیک نینگ اورنه تیلیشی گه طرفدار ایکن لیگی معلوم قیلیندی.
عینی دمده بیلدیروده, "اوچ تامان تینچ لیک مذاکره لری نینگ بیر بولگی صفتیده چیت ایللیک کوچ لرنینگ افغانستان دن منظم و مسئولیت لی بیر شکلده چیقیشی نی آرزو قیلماقده" دییه قید ایتیلدی.
خوددی شوو اوچ اولکه, مذکور بیلدیروده, اوشبو کیلیشوو نینگ منطقه اولکه لری تامانیدن هم قوللب- قوتله نیشی نی طلب قیلدی.
بوندن تشقری بیلدیروده, اوشبو دایره ده کیلگوسی ییغیلیش نینگ چین پایتختی پکن ده بولیب اوته دیگن لیگی معلوم قیلیندی.
اوشبو ییغیلیش نینگ قچان بولیب اوته دیگن لیگی خصوصیده ایسه کیین چه لیک معلومات بیریله دیگن لیگی بیلدیریلدی.
علاقه لی ینگی لیکلر
امریکا قوشمه ایالتلریده کوچلی طوفان یوزبیردی
اوشبو طوفان عاقبتیده مینگلب اوی - جای نینگ برقی نینگ کیسیلیب قالگن لیگی بیلدیریلدی
