روسیه و شمالی کوریا دولت رهبرلری نینگ اوچره شووی بولیب اوتماقده

روسیه دولت باشلیغی ویلادیمیر پوتین، شمال کوریا دولت باشلیغی کیم بیلن اوچره شدی.

روسیه نینگ ولادیفوستوک شهریده جایلشگن اوزاق شرق فدرال عالی بیلیم یورتیده گی اوچره شوو آلدی بیانات بیرگن دولت باشلیغی ویلادیمیر پوتین، شمالی کوریا رهبری کیم جونگ-اون نینگ روسیه گه قیلگن سفری نینگ اوز ارا مناسبت نینگ رواجلنیب باریشی گه حصه قوشه جگینی بیلدیردی.

پوتین،

"بو سفرنینگ کوریا یریم آرالیده گی وضعیت گه قنده ی قیلیب ییچیم تاپیشیمیز، بیرگه لیکده نیمه لر قیلیشیمیز، روسیه نینگ جریاننی قولب – قوتلش اوچون نیمه لر قیلیشی توغریسیده حصه قوشیشیدن امین من" دیب ایتدی.   

مسکونینگ شمالی کوریانینگ جنوبی کوریا و امریکا قوشمه ایالتلری بیلن مناسبتی نینگ نورمال بولیب باریشیدن ممنون ایکن لیگینی قید ایتگن پوتین جنابلری،

"البته کی شمالی کوریا بیلن جنوبی کوریا اورته سیده گی مناسبت و شمالی کوریا امریکا قوشمه ایالتلری مناسبتی نینگ نورماللشیب باریشینی ممنونیت بیلن کوتیب آله میز" دیدی.

شمالی کوریا رهبری کیم ایسه، پوتین بیلن ملاقاتی نینگ کوریا یریم آرالیده گی معمانینگ ییچیمی گه و اوز ارا مناسبت نینگ رواجلنیشی گه حصه قوشیشینی ایتدی.

کیم،

"کوریا یریم آرالیده گی وضعیت دنیا نینگ برچه جمعیتی نینگ علاقه سینی اوزیگه ترتیب آلماقده دیر. بو اوچره شوویمیز بو وضعیت نی بیرگه لیکده بهالندیریب و فکر المه شووی اوچون اولیملی پروگرام بوله دی دیگن امیدده من دیب ایتدی.