جهان بویلب اینگ قیمت شهرلر رویخطی ترقه تیلدی

تیکشیروو شرکت بولمیش Economist Intelligence Unit تامانیدن ترقه تیلگن "اینگ قیمت شهرلر2019" راپوریگه کوره، فرانسه نینگ پایتختی پاریس، چین نینگ خودمختار منطقه سی هانگ کانگ و سینگاپورنینگ پایتختی سینگاپور رویخطده بیرینچی اوریننی ایگلله دی.

بو اوچ شهر، 30 ییلدن بیری آلیب باریلگن تیکشیرووده بیرینچی مرته اینگ قیمت شهر بولیب انلنگندیلر. بولرنینگ آرتیدن سویس نینگ زوریخ و ژنو شهرلری، جاپان نینگ اوساکا شهری، جنوبی کوریانینگ پایتختی سیول، دنمارک نینگ پایتختی کوپنهاگ، امریکا قوشمه ایالتلری نینگ نیویورک و لوس انجلیس شهرلری بیلن بیر قطارده اسرائیل نینگ تل آیو شهری اورین الماقده.

مذکور رویخطده اروپادن 4 شهر جای آلگن.

تیکشیروو شرکتی Economist Intelligence Unit گه کوره، اینگ ارزان شهرلر، ونزوئلانینگ پایتختی کراکاس، سوریه نینگ پایتختی دمشق، اوزبیکستان نینگ پایتختی تاشکینت، قزاقستان نینگ آلماتا شهری، هندوستان نینگ پایتختی ینگی دهلی، چنائی و بنگالوره شهری، پاکستان نینگ کراچی، نایجریانینگ لاگوس، آرژانتین نینگ پایتختی بوئینوس شهرلری بولدی.

اوشبو تیکشیروو، 133 شهرده نان کبی اینگ کوپ مصرف بولگن محصولاتلر آرقه لی آلیب باریلماقده دیر.