فرانسه ده مینگلب کیشی قماققه محکوم ایتیلدی

فرانسه باش وزیری معلومات بیردی

فرانسه ده مینگلب کیشی قماققه محکوم ایتیلدی

فرانسه باش وزیری ادوارد فلیپه، سریغ کییم لیکلرنینگ مظاهره لریده یوز بیرگن حادثه لر باعث 1 مینگ 796 کیشی نینگ قماققه محکوم ایتیلگن لیگینی بیلدیردی.   

فلیپه، ملی مجلسده قیلگن صحبتیده، مظاهره لرده گی خشونت حادثه لری و دولت اداره لریگه عملگه آشیریلگن هجوملرنی قاره له دی.

سریغ کییم لیکلرنینگ مظاهره لریده یوز بیرگن حادثه لر باعث 1 مینگ 796 کیشی نینگ قماققه محکوم ایتیلگن لیگینی و 1 مینگ 422 کیشی نینگ محکمه سی نینگ حلی گچه باشله مه گن لیگینی معلوم قیلگن فلیپه، 18 کیشی اوچون مظاهره لرده خشونت حادثه لرینی باشله تگن لیکلری باعث تیرگاو باشله تیلگن لیگینی افاده ایتدی.

باشقه تاماندن افراطی راستگرا ایسکی ملی بیرلیک حزبی باشلیغی اورینباسری فلورین فلیپوت، اروپا پارلمانیده سریغ کییم لیکلرنینگ مظاهره لری جریانیده پولیس تامانیدن استفاده قیلینگن قلمپیرلی گاز عاقبتیده کوزلرینی قولدن بیرگن کیشی لرنی حمایه قیلیش اوچون سریغ کییم کییب اونگ کوزینی یاپیب قویدی.

فلیپوت عین دمده کوزلرینی قولدن بیرگنلرنینگ آتلرینی توتیب اوقیدی.

نفت بازاری نینگ نرخی گه ناراضی چیلیک بیلدیریب 2018 - ییلی 17 نوامبرده باشله تیلگن بیراق کیینچه لیک جمهور باشلیغی امانوئل ماکرون گه قرشی حرکت گه اوزگریب بارگن مظاهره لر سونگی ییللرنینگ اینگ شدتلی حرکتلریدن بیرته سی حسابلنه دی.

نمایشلرده 11 کیشی جان بیریب 2 مینگدن آرتیق کیشی یره لنگن ایدی عین دمده 6 مینگدن آرتیق کیشی قولگه آلینگن ایدی.

مذکور مظاهره لرده پولیس بیلن مظاهره چیلر اورته سیده توقنه شوو یوز بیررکن، دولت اداره لریگه هم هجوملر اویوشتیریلگن ایدی.  



علاقه لی ینگی لیکلر