سعودی عربستان امریکا دن ساتیب آلگن سلاح لرنی ترورچیلر گه بیرگن

سعودی عربستان بیلن بیرلشگن عرب امیرلیک لری نینگ, امریکا قوشمه ایالتلریدن ساتیب آلگن سلاح لر و حربی واسطه لر نی القاعده بیلن ارتباطی بولگن ترور تشکیلات لری و قبیله لر گه بیرگن لیگی بیلدیریلدی. 

امریکا ده نشرات آلیب باریاتگن سی ان ان تلویزیونی, یمن ده قیلگن تحقیقاتی نتیجه سیده کورفز ائتلافی نینگ قیسی تامان لر بیلن ارتباطی بولگن لیگی نی انیقله دی. 

تصویر لر و عکس لر دن فایده له نیلیب تیارلنگن خبرده, امریکا قوشمه ایالتلریدن آلینگن سلاح لر و حربی واسطه لر نینگ معلوم بیر قسمی نینگ افراطی گروه لر نینگ قولیده بولگن لیگی و اوروش لر جریانیده ایران تامانیدن قوللب- قُوَتله نیاتگن حوثی لرنینگ قولیگه توشگن لیگی بیلدیریلدی. 

سی ان ان بیلن مصاحبه قیلگن محللی منبع لر, سعودی عربستان و اینگ مهم ائتلاف اورتاغی بولگن بیرلشگن عرب امیرلیک لری نینگ صداقت کورسه تیشی تقدیرده, امریکا دن ساتیب آلینگن سلاح و حربی واسطه لرنینگ بیر قسمی نی اوشبو قبیله لر و ترورچی لر گه بیرگن لیگی نی ادعا قیلدی. 

امریکا قوشمه ایالتلری قانون لری گه کوره ساتیلگن اوشبو سلاح لر و واسطه لر نینگ اوچینچی تامان گه بیریلیشی ممنوع قیلینگن وضعیتده. 

سعودی عربستان و بیرلشگن عرب امیرلیک لری نینگ خوددی شوو سلاح لرنی اوشبو تامان لر گه بیرگن لیگی امریکا نینگ مذکور اولکه لر نینگ قانون بوزرلیک لری گه اهمیت بیرمیاتگن لیگی فکری نینگ توغیلیشی گه سبب بولماقده. 

سی ان ان نینگ یمن دن تصویر لری گه قره گنده, کییم- کیچک ساته دیگن بیر دوکانده امریکا سلاح لری نینگ آسیلگن لیگی کورینماقده. 

تصویر لرده, دوکاندار نینگ عادی مشتری شکلیده بارگن سی ان ان خبرنگاری نینگ, "امریکایی سلاح بار می؟" شکلیده گی سئوالی گه, "بار, لیکن کوپ قیمت. خواهلسنگیز کیتیریشیم ممکن" دییه جواب قیترگن لیگی کوزگه تشلنماقده.