نیورک تایمز: افغانستانده گی اوروشنی توخته تینگ

امریکانینگ نیورک تایمز روزنامه سی (The New York Times) طالبان بیلن تینچ لیک اوچره شوولری آلیب بارگن امریکا قوشمه ایالتلری حکومتی گه "افغانستانده گی اوروشنی توخته تیب بو جایده گی امریکالیک عسکرلرنی اوی – جایلریگه آلیب کیلتیریشنی" خواهله دی.

اوشبو روزنامه، "افغانستانده اوروشنی توخته تینگ" دیگن عنوان بیلن بیر مقاله نشر قیلدی.

امریکا قوشمه ایالتلری میلادی 2001 – ییلی افغانستان گه باریب کیرگندن بیری 80 مملکتده تروریزم گه قرشی کوره ش آلیب بارگن لیگی گه دقت قره تیلگن مقاله ده بو کوره شده هم مادی همده انسانی اوله راق بویوک تلفات بیریلگن لیگی گه اشاره قیلینگن.

امریکا قوشمه ایالتلری دولت باشلیغی دونالد ترامپ نینگ سیلاو کمپاینی جریانیده قاره لر ارا عسکری فعالیتلریگه محدودیت کیلتیریشنی وعده قیلگنینی ایسله تیب " محدودیتلرگه هرنرسه باشله گن جای افغانستاندن باشلش کیره ک. بوجایده 17 ییلدن بیری اوچی و ستراتیژیسی نامعلوم بیر اوروش دوام ایتیب بارماقده" دیب یازیلگن.

دواملی افغانستانده گی اوروشنی نهائی قیلماقچی بولگن ترامپ وظیفه گه کیلگندن کیین "ظفر پلانی " ریجه له گن لیگی و افغانستانده گی امریکانینگ موجودیتینی کوپراق قیلیب، طالبان و ایریم ترورچی گروپلرنی آسانراق مغلوبیت گه اوچره تیشنی مقصد قیلیب آلگن لیگی" بیلن تیگیشلی بیاناتلر بیرگن لیگی تذکر بیریلگن دیر.

بو پلان ناموفق دیر. بونقه بمباردمان و عسکرلر بیزگه یوتوقنی یقین قیلالمه دی. اون مینگلب افغانستانلیک تینچ اهالی اولدی، معیوب بولیب قالدی و روانی کسل لیک که یولیقدی. میلیونلب انسان یا یورت ایچیده ویا ایران پاکستان گه بدرغه بولیب کیتدی" دیب ایتیلگن.

امریکا قوشمه ایالتلری اداره سی نینگ طالبان بیلن افغانستاندن چیقیش موضوعسی بوییچه اوچره شوولر آلیب بارگن لیگی و بو آی خوددی شو مذاکره لرنینگ دوام ایته جگی بیلدیریلگن. "امریکانینگ بیرینچی آماجی اوسامه بن لادین نی عدالت گه تسلیم ایتیش ایدی و بونگه موفق بولدی. کیینگی آماجی اوز ایاقلری اوستیگه توره دیگن بیر افغانستان حکومتی قوریش، نفوسنی قوریقلش و دشمنلرگه قرشی کوره ش آلیب باریش ایدی بیراق بو توغریده یوتوق قولگه کیریتیلمه دی. امریکا قوشمه ایالتلری منبعلریدن ایش آلمه گن تقدیرده موفق بولیش ممکن ایمس" دیب ایتیلگن دیر.

امریکا قوشمه ایالتلری بیلن طالبان گروهی اورته سیده گی اوچره شوولرده جوده یخشی آلغه بارگن لیگی، امریکا قوشمه ایالتلری کوچلری نینگ افغانستاننی ترک ایتیب چیقیشی، بو جایده گی اوروش نینگ برچه تامانلری آرزو قیلگن حادثه بولیشی ممکن. امریکالیکلرنینگ کوپراغی بو اوروش نینگ نهائی بولیشینی خواهله یدی. حرمتلی ترامپ جاری ییل نینگ آخریگچه اوروشنی نهائی قیلمه گن تقدیرده، کنگره 2001 – ییلی بیرگن عسکری صلاحیتنی فسخ قیلیب تشلشی ممکن. کنگره هر بیر حادثه ده بیرگن صلاحیت توغریسیده تکرا ر اویلب کوریشی کیره ک دیر" دیب بهالندیردی.

 اوشبو مقاله ده

"(امریکالیک عسکرلر، افغانستانده جسورانه کوره شدی. ایندی اولرنی اوی – جایلریگه آلیب باریش وقتی کیلدی" دیب ایتیلماقده دیر.