ونزوئلا دولت باشلیغی بیر قطار دولتلرگه منتدارچیلیک بیلدیردی

ونزوئلا دولت باشلیغی نیکولاس مدورو، ونزوئلا ملی مجلس باشلیغی و مخالف رهبر جووان گوئایدونینگ اوزینی موقتی دولت باشلیغی ایتیب اعلان ایتیشی گه قرشی کورستگن حمایه لری اوچون تورکیه، روسیه و چین گه منتدارچیلیک بیلدیردی.

اجتماعی ترماق آرقه لی بیرگن بیاناتیده؛ ونزوئلانینگ یالغیز قالمه گن لیگینی اورغوله گن مادورو " روسیه، چین، تورکیه بیلن ایریم دولتلر و دنیا خلقلری ونزوئلانینگ قانونی اوله راق قوریلگن ونزوئلا حکومتینی قولب - قوتله گن  لیکلری اوچون منتدارمن. قاطعیت بیلن قیلگن حمایه لری اوچون تشکر ایته من" دیب ایتدی.

ونزوئلاده مخالف و حکومت طرافدارلری تامانیدن اویوشتیریلگن نمایشلر مملکت و منطقه اوچون جوده مهم ینگی لیکلرگه سبب بولگن ایدی.

کوپراغی مخالفت نینگ قولیده بولگن ملی مجلس باشلیغی گوئایدو، مخالف لرنینگ نمایشیده اوزینی موقتی دولت باشلیغی ایتیب اعلان قیلگن ایدی و امریکا قوشمه ایالتلری بیلن بیر قطارده کانادا، پرو، کولمبیا، اکوادور، پاراگوا، برازیل، شیلی، پاناما، ارژانتین، کوسته ریکو کبی مملکتلر تامانیدن تنیلگن ایدی.

دولت باشلیغی نیکولاس مادورو ایسه پایتخت کاراکاسده گی دولت رئیس لیک قصری نینگ بالکونیدن مینگلب کیشی ونزوئلا وطنداشی گه خطاب قیلیب، امریکا قوشمه ایالتلری بیلن برچه مناسبت نینگ کیسیب تشله گن لیگینی و بو مملکت نینگ دیپلوماتلریگه ونزوئلانی ترک ایتیشلری اوچون 72 ساعت وقت بیرگن لیگینی بیان ایتگن ایدی.