ترامپ, ونزوئلا پارلمانی باشلیغی نی اوتکینچی دولت رهبری صفتیده تن آلدی
ترامپ اوشبو مطلب نی تویتر آرقه لی بیرگن بیاناتیده بیلدیردی
امریکا قوشمه ایالت لری دولت رهبری دونالد ترامپ, ونزوئلا پارلمانی باشلیغی جوآن گایدو نی اوشبو اولکه نینگ اوتکینچی دولت رهبری صفتیده تن آلگن لیگی نی معلوم قیلدی.
ترامپ, "بوگون ونزوئلا پارلمان باشلیغی جوآن گایدو نی رسماً ونزوئلا نینگ اوتکینچی دولت رهبری صفتیده تن آلدیم" دییه قید ایتدی.
ترامپ نیکولاس مادورو نینگ مشروع دولت رهبری ایمس لیگی نی بیلدیردی.
امریکا قوشمه ایالتلری نینگ ونزوئلاده دموکراسی اوچون قولیده گی برچه سیاسی و اقتصادی کوچیدن استفاده قیله دیگن لیگی نی بیلدیرگن ترامپ, غرب اولکه لری نینگ رهبر لری نی هم گایدونی تن آلیش گه چقیردی.
سونگگی پیتلرده سیاسی وضعیت نینگ یمان لشگن ونزوئلاده اقتدار و اوپوزسیون طرفدارلری ناراضی چیلیک نمایش لری اوتکزماقده.
ایککی کون آلدین ملی محافظ قطعه سی منسوبی ایریم حربی لر, حکومت گه قرشی عصیان قیلرایکن, ترقتگن تصویری پیامیده خلق نی عصیان گه چقیرگن ایدی.
خوددی شوو حربی لر گه قرشی عملیات اویوشتیریلرایکن, شونده ی قیلیب 27 حربی تسلیم بولگن ایدی.
