سعودی عربستان امریکا نی ایچکی ایشلریگه اره له شیش بیلن عیبله دی

سعودی عربستان, امریکا قوشمه ایالتلری سناسی نینگ سعودی لیک ژورنالست جمال قاشقچی نینگ اولدیریلیشی بیلن علاقه لی ولیعهد شهزاده محمد بن سلمان نینگ مسئول دیب کورسه تیلگن قرار لایحه سی نی سعودی عربستان نینگ ایچکی ایشلری گه اره له شیش اوله راق بهالنتیردی. 

ریاض رهبریتی, امریکا سناسی نینگ اوشبو قرار لایحه سی نینگ بنیادسیز و دلیل سیز بیر ادعا دن عبارت ایکن لیگی نی ادعا قیلدی.

سعودی عربستان تشقی ایشلر وزیرلیگی تامانیدن بیریلگن بیاناتده,  اوشبو قرار لایحه سی قتتیق تنقید قیلینرایکن,  ایککی اولکه اورته سیده گی مناسبت لرنینگ اهمیتی گه دقت قره تیلدی. 

ریاض نینگ واشنگتن بیلن همکارلیککه گه طرفدار ایکن لیگی بیلدیریلگن بیاناتده, دوست بیر اولکه نینگ قانونچیلیک اورگانی نینگ بونده ی بیر قرار لایحه سی نینگ تشویش گه سبب بولگن لیگی معلوم قیلیندی. 

بیاناتده, سعودی عربستان نینگ ایچکی ایشلریگه اره له شیش, رهبریتی و ولیعهد شهزاده سی نی کمسیته دیگن برچه عیبلاولرنی رد قیله دیگن لیگی بیلدیریلدی. 

سعودی عربستان نینگ, وکیل لری واسطه سی بیلن منطقه نی برقرارسیزلشتیریش گه حرکت قیلیاتگن ایران گه قرشی کوره ش بوییچه امریکا بیلن همکارلیک قیلیاتگن لیگی بیلدیریلگن بیاناتده, قاشقچی قضیه سی نینگ عدلی بُعدی دن باشقه بیر تامان گه آلیب باریلیشی بوییچه هیچ قنده ی بیر تشبث نینگ قبول قیلینمیدیگن لیگی معلوم قیلیندی. 

اوتگن هفته ده, امریکا قوشمه ایالتلری سناسیده سعودی لیک ژورنالست جمال قاشقچی نینگ استانبول قنسلگرلیگیده اولدیریلیشی قضیه سی بوییچه سعودی عربستان ولیعهد شهزاده سی محمد بن سلمان نینگ مسئول دیب کورسه تیلیشی بوییچه قرار لایحه سی قبول قیلینگن ایدی. 

اوشبو قرار لایحه سیده امریکا سناسی نینگ قاشقچی نینگ اولدیریلیشی بویروغی نینگ محمد بن سلمان تامانیدن بیریلگن لیگی گه ایشانیاتگن لیگی قید ایتیلگن. 

واشنگتن پست روزنامه سیده ایشلیاتگن سعودی عربستانلیک ژورنالست جمال قاشقچی, اکتوبر آیی نینگ 2 نچی کونیده سعودی عربستان نینگ استانبول قنسلگرلیگیده وحشیانه بیر شکلده اولدیریلگن ایدی. 

ریاض رهبریتی ایسه, اکتوبر آیی نینگ 20 نچی کونیده بیرگن بیاناتیده, قاشقچی نینگ قنسلگرلیک بناسیده بیر جنجال جریانیده اولدیریلگن لیگی نی بیلدیرگن ایدی.