روسیه بیلن اسرائیل نظامی هیئتلری سوریه توغریسیده اوز ارا اوچره شدی

روسیه پایتختی مسکوده, روسیه و اسرائیل نظامی هیئت لری سوریه مسئله سی بیلن علاقه لی اوز ارا اوچره شدی. 

روسیه مدافعه وزیرلیگی اوشبو اوچره شوو جریانیده سوریه مسئله سی بیلن بیر قطارده, اورته شرقده گی سونگگی ینگی لیک لر باره سیده هم بحث قیلینگن لیگی نی بیلدیردی. 

روسیه و اسرائیل عسکرلری اوچون حیاتی تهدید تشکیل قیله دیگن حادثه لر نینگ یوز بیرمسلیگی اوچون سوریه ده گی حمیمیم حربی مرکزی بیلن اسرائیل هوایی کوچلری قومانده مرکزی اورته سیده بیواسطه ارتباط قوریلیشی خصوصیده بحث قیلینگن لیگی بیلدیریلگن بیاناتده, اوشبو توغریده اوچره شوو لر نینگ دوام ایتتیریلیشی کیره ک ایکن لیگی گه تیگیشلی اوز ارا کیلیشیلیب آلینگن لیگی معلوم قیلیندی. 

روسیه نینگ اوروش طیاره سی, سپتامبر آیی نینگ 17 نچی کونیده, سوریه رژیمی نینگ هوایی مدافعه سیستمی تامانیدن اوریب توشیریلدی. 

روسیه ایسه, اسرائیل اوروش طیاره لری نینگ, روسیه اوچاغی دن قالقان اوله راق فایده لنگن لیگی اوچون روسیه نینگ اوشبو طیاره سی گه راکت اصابت قیلیب قولب توشگن لیگی نی بیلدیرگن ایدی.