فرانسه ده گی ناراضی چیلیک نمایشلری قنده ی خساره لرگه سبب بولدی؟

فرانسه اقتصاد وزیری بوغونو لو میغ, ناراضی چیلیک نمایشلری نینگ 2018 – ییلی نینگ سونگگی 3 آییده اولکه نینگ اقتصادی نینگ رواجله نیشی گه 0,1 پاینت منفی تاثیر قالدیره دیگن لیگی نی بیلدیردی. 

لو میغ, نوامبر آیی نینگ 17 نچی کونیده باشله گن اوشبو ناراضی چیلیک نمایشلری نینگ اولکه اقتصادی گه سونگگی اوچ آییده 0,1 پاینت منفی تاثیر قالدیریشی نی کوتیاتگن لیک لری نی معلوم قیلدی. 

عینی دمده شنبه کونی بولیب اوتگن ناراضی چیلیک نمایشلری سببلی انسان لرنینگ بازار لرگه باریب خرید قیلیش میزانی نینگ 17 فایز مقیاسیده توشیب کیتگن لیگی بیلدیریلدی. 

ایچکی ایشلر وزیرلیگی شنبه کونی بولیب اوتگن ناراضی چیلیک نمایشلری گه 136 مینگ کیشی نینگ اشتراک قیلگن لیگی نی بیلدیردی. 

وزیرلیک اوشبو نمایشلر جریانیده 2 مینگ دن آرتیق کیشی نینگ پولیس مرکزی گه آلیب باریلگن لیگی و 700 دن آرتیق کیشی نینگ ایسه نظارت آستیگه آلینگن لیک لری نی معلوم قیلدی. 

فرانسه ده تیل نرخی نینگ آرتیب کیتیشی و اقتصادی قیین چیلیک لر گه قرشی عکس العمل مقصدی بیلن نوامبر آیی نینگ 17 نچی کونیده باشله گن, کیین چه لیک ایسه ماکرون رهبریتی گه قرشی غضب گه ایله نیب قالگن اوشبو ناراضی چیلیک نمایش لری سونگگی ییل لرده گی اینگ قتتیق مظاهره لر اوله راق بهالنتیریلماقده.