سعودی عربستان و انگلستان مشترک حربی سینش اوتکزه دیلر

سعودی عربستان نینگ SPA خبر آژانسی خبر قیلیشیچه، سعودی عربستان هوا کوچلری، انگلستان هوا کوچلری بیلن بیرگه لیکده "یشیل بیراق" آتی بیلن عسکری سینش عملگه آشیره دی.

مملکت نینگ غرب تامانیده جایلشگن شاه فهد قونلغه سیده اوتکزیله دیگن حربی سینش نینگ ایککی هفته دوام ایته جگی بیلدیریلدی.

قرال فهد قونلغه سی قومندانی جنرال حمید العمری، "یشیل بیراق" حربی سینشی بیلن هوائی کوچلری نینگ حربی استعدادی نینگ توسعه قیلیشی، عملیاتی کوچی نینگ کوپه ییشی عین دمده انگلیس هوا کوچی نینگ تجربه سیدن فایده له نیش نینگ آماجلنگن لیگینی ایتدی.

حربی سینش قومندانی خالد الیوسف ایسه الکترونیک اوروش، زمینی کوچلرنی حمایه قیلیش و زمینی تهدیدلرگه قرشی چاره – تدبیر کبی بیر قطار تخنیکلرنینگ عملی قیلیشیدن خبر بیردی.

مذکور بیاناتده، انگلستان نینگ خوددی شو حربی سینش گه 8 فروند تایفون حربی اوچاغی بیلن اشتراک ایته جگی قید ایتیلدی.