طالبان گروهی مسکو کنفرانسیگه اشتراک قیله دی

روسیه فدراسیونی تشقی ایشلر وزیرلیگی طالبان گروهی نینگ مسکو کنفرانسیگه اشتراک قیله دیگن لیگی نی بیلدیردی. 

بیراق, طالبان گروهی حاضرچه اوشبو کنفرانسگه اشتراک قیله دیگن لیگی یاکه قیلمیدیگن لیگی خصوصیده انیق تصمیم آلمه گن لیگی نی معلوم قیلدی. 

طالبان گروهی سوزچیسی ذبیح الله مجاهد, "کنفرانس نینگ آجنداسی حقیده معلومات طلب قیلدیک. حاضرچه اوشبو معلومات بیزگه ییتیب کیلمه گن.  کنفرانس آجنداسی ییتیب کیلگچ اوشبو خصوصده تصمیم آله میز" دییه قید ایتدی.

طالبان نینگ اشتراک قیلیشی تقدیرده, اوشبو گروه ایلک مراتبه مسکو ییغیلیشیگه اشتراک قیلگن بوله دی.

افغانستان تشقی ایشلر وزیرلیگی دولت نماینده لری نینگ اوشبو ییغیلیشگه اشترک قیلمیدیگن لیگی نی معلوم قیلرایکن, ایرکین بیر کینگش صفتیده افغانستان تینچ لیک کینگشی نینگ اشتراک قیله دیگن لیگی نی بیلدیردی. 

اوشبو ییغیلیش کیلگوسی جمعه (18 عقرب) روسیه پایتختی مسکوده بولیب اوته دی. خوددی شوو ییغیلیشگه 12 اولکه نماینده سی نینگ اشتراک قیله دیگن لیگی بیلدیریلدی. 

افغانستان تینچ لیک کینگشی هم 4 یاکه 6 کیشی لیک بیر هیئت بیلن اوشبو ییغیلیشگه اشتراک قیله دیگن لیگی نی بیلدیرگن ایدی.