هندوستانده جایلشگن تاج محل نینگ مسجدیده نماز ادا قیلیش منع قیلیندی

هندوستان ارکیولوژیک (باستان شناسلیک) اداره سی ASI تاریخی اثر بولمیش تاج محلده نماز قیلینیشینی منع قیلیب قویدی.

Times of India روزنامه سیده اورین آلگن خبرگه یازیلیشیچه، عالی محکمه تامانیدن جولای آییده تاج محل زیارتیده گی مسجدده ولایت تشقریسیدن کیلگن مسلمانلرنینگ جمعه نماز ادا قیلیشلرینی منع قیلگن قرارنی قبول قیلیب چقریشی نینگ آرتیدن ارکیولوژیک اداره سی تاج محلده ایریم وقت نمازلری نینگ هم قیلینیشینی منع قیلیب قویدی.

ارکیولوژیک دفتری اداره چیلری توناون کونی زیارتگاه ده گی طهارتخانه نینگ سوو تانکرینی لاک مهر قیلیب تشله دیلر. نماز اوتکزیش اوچون مسجدگه کیلگن ملا امام سید صادق علی، بو قیزیق تدبیرگه تعجب قیلگن لیگینی ایتدی.

تاج محل انتظام کمیته سی باشلیغی سید ابراهیم حسین هم تاج محل اوزاق مدتدن بیری نماز ادا قیلینگن لیگینی بونگه مانع بولیش اوچون هیچ بیر سبب موجود ایمس ایکن لیگینی معلوم قیلیب، ارکیولوژیک اداره سیگه شکایت قیله جکلرینی ایتدی.