امریکا بیلن ناتو روسیه گه اخطار بیردی

امریکا قوشمه ایالتلری مدافعه وزیری جمیس ماتیس، روسیه نینگ اورته مصافه لی نوکلر قوتلر کیلیشووینی اخلال قیلگن لیگی نینگ "تحمل قیلیش نا ممکن" ایکن لیگینی و امریکا قوشمه ایالتلری نینگ بونگه جواب بیریشی کیره ک لیگینی ایتدی.

جمیس ماتیس، بلجیم نینگ پایتختی بروکسل ده گی ناتو قرارگاهیده اویوشتیریلگن مدافعه وزیرلری جلسه سی نینگ آخریده مطبوعاتگه بیانات بیردی.

ماتیس؛

"روسیه نینگ اورته مصافه لی نوکلر قوتلر کیلیشوینی رعایت قیلیشی کیره ک. عکس خالده امریکا قوشمه ایالتلری نینگ بونگه جواب بیریشی کیره ک بولیب قاله دی. روسیه بو کیلیشوونی رعایت قیلمه یدی و رعایت قیلیشی نینگ وقتی ییتیب کیلگن" دیب گپیردی.

ناتو باش منشیسی جنز استولتنبرگ هم موضوع بیلن تیگیشلی بیانات بیرگن.

" اورته مصافه لی نوکلر قوتلر کیلیشوینی رعایت قیلمس لیک که عموماً مخالف میز. روسیه گه جدی بیر شکلده کیلیشوونی شفافیت بیلن رعایت قیلیشی گه چقیره میز، دیب مسکو اداره سینی آگاهلنتیرگن ایدی.