افغانستان هیئتی طالبان نماینده لری بیلن اوچره شگن

افغانستان حکومتی دن بیر هیئت نینگ سعودی عربستانده طالبان گروهی نماینده لری بیلن اوچره شگن لیگی بیلدیریلدی. 

اوشبو اوچره شوو جریانیده اساساً افغانستانده بولیب اوته دیگن پارلمانی سیلاو لرنینگ امنیتی باره سیده بحث ایتیلگن لیگی معلوم قیلینماقده. 

طالبان گروهی رهبر لریدن بیری رویترز بیلن قیلگن مصاحبه سیده, "محکوم لرنینگ قویب یوباریلیشی توغریسیده افغانستان حکومتی هیئتی بیز بیلن کیلیشیب آلدی" دییه قید ایتدی. 

بیراق افغانستان حکومتی تامانیدن ایسه حاضرچه اوشبو خصوصده هیچ قنده ی بیر بیانات بیریلگن ایمس. 

بونده ی بیر ینگی لیک نینگ افغانستان حکومتی بیلن طالبان گروهی نماینده لری اورته سیده تینچ لیک مذاکره لری نینگ قیته باشدن باشله تیلیشی توغریسیده گی سعی و حرکت لرنینگ دوام ایتیاتگن بیر پیتده یوز بیرگن لیگی کورینماقده.