بیرلشگن ملتلر تشکیلاتی دنیا بوییچه تلفات بیلن علاقه لی بیر راپور ترقه تدی

اوتگن ییل اوروش و توقنه شوولرده منفجره ای قوراللر آرقه لی 43 مینگ گه یقین کیشی حیاتینی یوقه تگن و بولردن 4 کیشی دن 3 ته سی تینچ اهالیدن عبارت.

بیرلشگن ملتلر انسانی یاردم ارتباطی دفتریدن، 19 اگست دنیا انسانی یاردم کونی آلدی بیریلگن بیاناتده، تینچ اهالی گه قره ته آلیب باریلگن هجوملرنینگ کوپه ییب بارگن لیگی اورغولنگن.

مذکور بیاناتگه کوره، 2017 – ییلی توقنه شوو بولگن منطقه لرده 43 مینگ کیشی حیاتینی یوقه تگن. بولردن 31 مینگ 904 کیشی تینچ اهالیدن عبارت. بشری یاردم فعالیتلریگه قتنشگن 139 کیشی جان بیریب 102 کیشی یره لنگن و 72 کیشی بشری یاردم ملازمی آلیب قاچیریلگن.

بیرلشگن ملتلر تشکیلاتی، توقنه شوو بولگن منطقه لرده وظیفه آلیب باراتگن بشری یاردم ملازملری نینگ اولدیریلیشی ویا یره لب معیوب قیلیب تشلشینی هم نهایی قیلینیشینی سوره دی.

خوددی شو بیاناتده، حکومتلر و دولتدن خارج قوراللی گروه لرنینگ، تینچ اهالی، زیربنالر و انسانی یاردم پرسونل لریدن محافظه قیلیش مسؤلیتلری بولگن لیگینی ایسله تیب اوتدی.