یمنده ایککی ایریم شهرده هجوم اویوشتیریلدی

حدیده و تعز شهرلریده هجوم اویوشتیریلدی

یمنده ایککی ایریم شهرده هجوم اویوشتیریلدی

یمن نینگ حدیده شهریده ماین نینگ پارتلب کیتیشی عاقبتیده 4 عسکر، تعزده هم قوراللی هجوم عاقبتیده 2 عسکر حیاتینی یوقه تدی.

عسکری منبعلردن آلینگن معلوماتگه کوره، حدیده ولایتی گه باغلیغ الدریحیمی تومنیده یولده اورنه تیلگن ماین نینگ خوفسیزلیک کوچلری نینگ موترلری اوته یاتگن پیتده پارتلب کیتگن. اوشبو حادثه عاقبتیده 4 عسکر اولیب 3 عسکر یره لنگن.

یره لی عسکرلرنینگ دولتی شفاخانه انتقال بیریلگن لیکلری بیلدیریلدی.

باشقه تاماندن تعز شهریده کیم لیگی تثبیت ایتیلمه گن کیشی لر تامانیدن اویوشتیریلگن قوراللی هجوم عاقبتیده 2 عسکر اولگن.

یمنده مشروع حکومت گه قرشی تونتروو عملگه آشیرگن حوثی لر 2014 – ییلی سپتامبر آییدن بیری پایتخت صنا قاله ویرسه بعضی بیر منطقه لرنی کنترولی آستیگه آلیب تورگن.

سعودی عربستان باشچیلیگیده گی ائتلاف کوچلری هم 2015 – ییلی مارچ آییدن بیری حوثی لرگه قرشی مشروع حکومتنی حمایه قیلیب تورگن.  


لیبل: تعز , یمن , حوثی

علاقه لی ینگی لیکلر