دونالد ترامپ روسیه دولت باشلیغی ویلادیمیر پوتین گه نامه یازیب جونتدی

امریکالیک سناتور راند پاول، امریکا قوشمه ایالتلری دولت باشلیغی دونالد ترامپ تامانیدن یازیلگن نامه نی روسیه دولت رهبری ویلادیمیر پوتین نینگ اداره چیلریگه تقدیم ایتدی.

پاول موضوع بیلن تیگیشلی تویتر آدرسی آرقه لی معلومات بیردی

"دولت باشلیغی ترامپ نینگ نامه سینی روسیه دولت باشلیغی ویلادیمیر پوتین نینگ اداره چیلریگه تقدیم ایتیش شرفی گه نائل بولدیم. مذکور نامه ده ترورچیلیک که قرشی کوره ش، پارلمانلر اورته سیده گی اوچره شوولرنینگ کوپه یشی و مدنی (کلتوری) ارتباط لرنینگ برقرار قیلینیشی داخل تورلی ساحه لرده گی همکارلیک نینگ اهمیتی اورغولندی" دیدی.

کرملین هم مذکور نامه نینگ ییتیب بارگن لیگینی تایید ایتدی.

کرملین سوزچیسی دیمیتری پیسکوف، نامه نینگ روس تامانی گه دیپلوماتیک یول بیلن ییتکیزیلگن لیگینی تیزلیکده پوتین نینگ اوقیشینی کوتگنلرینی افاده ایتدی.

جمهوریتچی حزبدن بولگن پاول، مسکوده پارلمان نینگ بیرینچی و ایککینچی بولیملریدن عبارت فدراسیون کینگشی و دُمادن نماینده لر و تشقی ایشلر وزیرلیگی اداره چیلری بیلن اوچره شدی.

عیندمده پترزبورگده هم بیر قطار اوچره شوولر عملگه آشیردی.

روسیه بیلن یقین بولیش و ترامپ نینگ 16 جولایده هلسنکیده پوتین بیلن اویوشتیرگن جلسه نی حمایه قیلگن پاول بو مملکت گه سفر اویوشتیریش مقصدی نینگ واشنگتن بیلن مسکو اورته سیده تماسلرنی تشویق ایتیش ایکن لیگینی ایتدی.

پاول، "دنیا مغلق بیر جای دیر. سوریه و ایریم جایلرده روسیه بیلن جوده یقین بیر وضعیتده میز. اورته میزده تماسلرنینگ بولمه یشی کتته خطادیر" دیب روسیه پارلمانیدن بیر هیئت نی واشنگتن گه دعوت ایتدی.