تورکیه ده ینگی حکومت تیزیمی نینگ بیرینچی ملی خوفسیزلیک کینگشی بولیب اوتدی

ملی خوفسیزلیک کینگشی، امریکا قوشمه ایالتلری تامانیدن تورکیه گه قره ته آلیب باریلگن تهدیدکارانه سوزلرنینگ قبول ایتیلمس لیگی بیلدیریلدی.  

دولت باشلیغی حکومت تیزیمی نینگ بیرینچی ملی خوفسیزلیک کینگشی دولت باشلیغی رجب طیب ایردوغان باشچیلیگیده بولیب اوتدی.

بیش ساعتدن کوپراق بیر مدت دوام ایتگن جلسه نینگ آرتیدن ترقه تیلگن اعلامیه ده، ترورچیلیک که قرشی قاطعانه کوره ش اورغولندی.

مذکور اعلامیه ده، FETÖ/PDY, PKK/PYD-YPG قاله ویرسه داعش کبی ملی بیردملیکنی آماج قرار بیرگن برچه ترور تشکیلاتلریگه قرشی یورت ایچیده و تشقریده آلیب باریلگن عملیاتلرنینتگ قاطعانه بیر شکلده دوام ایته جگی بیلدیریلدی.

"امریکا قوشمه ایالتلری نینگ، تورکیه تورلی مسؤلیتلرینی ادا قیلگن حالده ملی مدافعه صنایع پروژه لرینی خلق ارا کیلیشوولرگه ماس بولمه گن بیر شکلده باغله گن قراری و بیاناتلری  نینگ ایککی اولکه اورته سیده گی ستراتیژیک اورتاق لیک و ایشانچ اساسلریگه جبران قیلیشی ممکن بولمه گن شکلده زیان ییتکیزیشی" قید ایتیلگن.

"امریکا قوشمه ایالتلری تامانیدن تورکیه گه قره ته آلیب باریلگن تهدیدکارانه سوزلرنینگ اتفاق مناسبتلریگه حرمت سیزلیک ایکن لیگی و قبول ایتیلیشی ممکن ایمس ایکن لیگی" ینه ده تاکییدلندی.

عین دمده سوریه ده حلی هم ترورچیلک تاثیری موجود بولگن بعضی بیر منطقه لرنینگ خوفسیزلیکنی تامین ایتیش اوچون آلیب باریله دیگن فعالیت لرگه تماس قیلینگن.

اوشبو موضوع توغریسیده انیق آدیملرنینگ آتیله جگی تاکییدلنگن دیر.

اژه و شرقی آق دینگیزده گی ینگی لیکلرنی یقیندن تعقیب ایتیلگن لیگی قید ایتیلگن اعلامیه ده

"تورکیه نینگ دینگیز ساحه سیده گی حق و منفعتلریدن مدافعه قیلیشی توغریسیده گی قاطع لیک اورغولنگن دیر" دیب تذکر بیریلگن.