تورکیه نایجریاده یوز بیرگن ترورچیلیک هجوملرنی قاره له دی

تشقی ایشلر وزیرلیگی تامانیدن بیریلگن یازمه بیاناتده، یوبه و بورنو ایالتلریده انچه کیشی نینگ اولیب یره له نیشی گه سبب بولگن ترورچیلیک هجوملرینی قاره لب؛

"کتته الم و قیغوگه تشله گن بو هجوملرده حیاتینی یوقه تگنلرنی الله تعلی مغفرت قیلسین، یره لی کیشی لرگه عاجل شفالر بیرسین. نایجریا خلقی و دولتی گه تسلیت بیلدیره میز" دیب ایتیلگن.

نایجریانینگ شمال-شرق منطقه سیده جایلشگن بورنو ایالتیده گی بوکو حرام ترور تشکیلاتی نینگ مسجدگه بمب آرقه لی اویوشتیرگن هجومده 8 کیشی اولیب 7 کیشی یره لنگن ایدی. یوبه ایالتیده جایلشگن تارموا منطقه سیده هم عسکری کوچلر بیلن بوکو حرام ترور تشکیلاتی اعضالری اورته سیده یوز بیرگن توقنه شووده کوپ سانده نایجریا عسکری حیاتینی یوقه تگن ایدی.

نایجریاده 2000- ییللرنینگ باشیدن بیری موجودیتینی کورستیب بارگن بوکو حرام ترور تشکیلاتی تامانیدن 2009 – ییلیدن بیری آلیب باریلگن کتله وی هجوملر باعث 20 مینگ کیشی حیاتینی یوقه تگن.

مذکور ترور تشکیلاتی 2015 – ییلیدن بیری مملکت نینگ قوشنی لری بولمیش کامرون، بنین، چاد و نیجرده هجوملر اویوشتیرماقده. خوددی شو گروه نینگ چاد کولی منطقه سیده گی هجوملریده کمیده 2 مینگ کیشی جان بیرگن ایدی.