مسعود اوز ایل دنیا مقیاسیده قولب-قوتلنماقده

آلمان فارورت فوتبالچی لوکاس پودولسکی، کم ستیش (متعصب) هجوملر باعث آلمان ملی جماعه سینی ترک ایتگن تورک فوتبالچی مسعود اوز ایل بیلن تیگیشلی اجتماعی ترماقده گی آدرسی آرقه لی پیام ترقتدی.

مسعود بیلن آلمان ملی جماعه سی و انگلستان نینگ ارسینال جماعه سیده بیرگه لیکده فوتبال قیلگن لوکاس پودولسکی، انستگرام آدرسیدن 2014 – ییلی جهان کپ قهرمانلیگینی بیرگه لیکده نشانله گن عکسنی قوییب، أصلا ایسدن چیقمه یه دیگن تاریخی بیر کیچه ایدی. هر دائیم دنیا قهرمانی میز" دیب یازگن.

پودولسکی

"عموماً بیرگه لیکده قازاندیک بعضاً موفق بولالمه دیک. نتیجه ده بیر فوتبال دیر. سین بیلن بیر تیمده بولیش هر داییم فخر بیرووچی بولگن. چیرایلی کونلر اوتکزدیک. ینه هم یخشی کونلر اوتکزیشیمیزدن امین من. هر دائیم خرسن بولیب قالگیل" دیب ایتگن.

مسعود اوز ایل گه برازیل لیک تنیقلی یازووچی پائولو کوئلیودن هم هم حمایه وی پیام ییتیب کیلدی.

مذکور یازووچی اوز تویتر آدرسی آرقه لی یازگن پیامیده اوز ایل یازگن نامه گه تماس قیلیب؛

"اوقیش گه سزاوار بیر متن دیر: "مغلوبیت گه اوچره گنده پماهنده ایدیم." اوزیا، اوتمیشده و شو وقت نیمه ایته دیلر ایتسینلر، قازانگن ینه هم سین بوله سن" دیب افاده ایتگن.

مسعود اوز ایل بیلن ایلک آی گوندوغان قاله ویرسه انگلستان پرامیر لیگده اوینه یاتگن تورکیه ملی فوتبالچیسی جنگ توسین، می آییده جمهور باشلیغی رجب طیب ایردوغان بیلن لندنده اوچره شیب تصویرگه توشگن ایدیلر و فوتبال کییم لرینی تحفه قیلگن ایدیلر. اوشبو تصویرنینگ آرتیدن آلمانده مسعود اوز ایل و ایلک آی گوندوغانگه قره ته کم ستیش (تعصبی) هجوملر عمگه آشیریلگن ایدی.