یمن نینگ عدن ولایتیده انفجار یوز بیردی

یمن نینگ جنوبیده جایلشگن عدن ولایتی نینگ حدیده منطقه سیده گی توقنه شوولردن قاچقیب بدرغه بولگن بیر گروپ مهاجرگه قره ته منفجره مواد آرقه لی اویوشتیریلگن هجومده 2 کیشی جان بیردی.

شاهدلردن آلینگن معلوماتگه کوره، کیم لیگی نامعلوم قوراللی بیر کیشی عدن گه باغلیغ شیخ عثمان شهریده حدیده دن کوچیب بارگن بیر گروپ مهاجر حیات کیچیرگن ساحه گه منفجره مواد آرقه لی هجوم اویوشتیرگن.

اوشبو هجوم عاقبتیده 2 کیشی اولیب 5 کیشی یره لنگن.

یمنده گی انسان حقلری بوییچه موسسه لرنینگ راپوریگه کوره، 2300 دن آرتیق مهاجر عایله، حدیده ده گی توقنه شوولردن قاچیب عدن گه کیلگن.

بیرلشگن ملتلر تشکیلاتی بیر آیدن ارتیق بیر زماندن بیری توقنه شوولر یوز بیریب تورگن یمن نینگ حدیده شهریده تقریباً 35 مینگ عایله نینگ کوچ قیلیب چیقیش گه مجبور بویلب قالگن لیگینی اعلان قیلگن ایدی.

یمن حکومت کوچلری، حدیده شهری و بندرینی حوثی لرنینگ قولیدن آلیش اوچون 13 جونده سعودی عربستان باشچیلیگیده ائتلاف کوچلری نینگ همکارلیگی بیلن عملیات باشله تگن ایدی.